വാഷിങ്ടൺ: യുഎസിലെ ആർക്കൻസോയിൽ താമസിക്കുന്ന ഇന്ത്യൻ വംശജന് നാടുകടത്തൽ ഭീഷണി. തന്റെ വാഹനത്തിലുണ്ടായിരുന്ന പെർഫ്യൂം കുപ്പിയെ മയക്കുമരുന്നെന്ന് തെറ്റുദ്ധരിച്ച് യുഎസിൽ അറസ്റ്റിലായ കപിൽ രഘുവാണ് നാടുകടത്തൽ ഭീഷണി നേരിടുന്നത്. ഇക്കഴിഞ്ഞ മേയ് മാസത്തിലായിരുന്നു വാഹന പരിശോധനയ്ക്കിടെ രഘുവിനെ അറസ്റ്റ് ചെയ്തത്. വാഹനത്തിലുണ്ടായിരുന്ന ഒരു പെര്‍ഫ്യൂമിന്റെ കുപ്പിയാണ് ഇദ്ദേഹത്തിന് കെണിയായത്.