പത്തനംതിട്ട: രാഷ്ട്രപതി ദ്രൗപതി മുർമു ഒക്ടോബർ 21 ന് കേരളത്തിലെത്തും. തുടർന്ന് ശബരിമല സന്ദർശിക്കും. ഇത് ആദ്യമായാണ് ഒരു രാഷ്ട്രപതി ശബരിമല സന്ദർശിക്കുന്നതെന്ന പ്രത്യേകത കൂടിയുണ്ട്. 21 ന് വൈകിട്ട് തിരുവനന്തപുരത്തെത്തി രാജ്ഭവനില്‍ വിശ്രമിക്കും. 22 ന് രാവിലെ ഒൻപതിന് പുറപ്പെട്ട് ഉച്ചയ്ക്ക് 12 മണിയോടെ സന്നിധാനത്തെത്തും വിധമാണ് ക്രമീകരണം. ഹെലിക്കോപ്റ്റർ മാർഗമാവും നിലക്കലിലെത്തുക.