Cricket Homepage Featured Sports

ദക്ഷിണാഫ്രിക്കയ്ക്കെതിരായ ഏകദിന ക്രിക്കറ്റ്; ഇന്ത്യ മികച്ച നിലയിൽ

റാഞ്ചി: ദക്ഷിണാഫ്രിക്കയ്‌ക്കെതിരായ ഏകദിന ക്രിക്കറ്റ് പരമ്പരയിലെ ആദ്യ മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ നിലവിൽ 24 ഓവറില്‍ രണ്ട് വിക്കറ്റിന് 172 എന്ന മികച്ച നിലയിലാണ്. തുടക്കത്തിൽ തന്നെ 18 റണ്‍സുമായി ഓപ്പണര്‍ യശസ്വി ജയ്‌സ്വാളിനെ ഇന്ത്യയ്ക്ക് നഷ്ടമായി. പിന്നീട് അര്‍ധസെഞ്ചുറി നേടിയ രോഹിത് ശര്‍മയുടെ വിക്കറ്റും ഇന്ത്യയ്ക്ക് നഷ്ടമായി. കോലി അര്‍ധസെഞ്ചുറിയുമായി ക്രീസിലുണ്ട്.

രണ്ടാം വിക്കറ്റില്‍ ഒന്നിച്ച വിരാട് കോലിയും രോഹിത് ശര്‍മയും ഇന്ത്യന്‍ ഇന്നിങ്‌സിനെ മികച്ച നിലയിൽ നയിച്ചിരുന്നു. പത്തോവര്‍ അവസാനിക്കുമ്പോള്‍ 80-1 എന്ന നിലയിലായിരുന്നു ടീം. അടുത്ത പത്തോവറിൽ ഇരുവരുടേയും കരുത്തിൽ ഇന്ത്യ 20 ഓവറില്‍ 153 എന്ന നിലയിലെത്തി. രോഹിത്തും വിരാടും അര്‍ധസെഞ്ചുറി തികയ്ക്കുകയും ചെയ്തു.

ഇന്ത്യ 161 റൺസിൽ നില്‍ക്കേ രോഹിത് ശർമയെ മാര്‍ക്കോ യാന്‍സന്‍ പുറത്താക്കി 51 പന്തില്‍ 57 റണ്‍സെടുത്താണ് രോഹിത് കൂടാരം കയറിയത്. അഞ്ചുഫോറുകളും മൂന്ന് സിക്‌സറുമടങ്ങുന്നതായിരുന്നു രോഹിത്തിന്റെ ഇന്നിങ്‌സ്. വിരാട് കോലിയും ഋതുരാജ് ഗെയ്​ക്​വാദുമാണ് നിലവിൽ ക്രീസിൽ തുടരുന്നത്.

Related Posts