ബാംഗ്ലൂർ: ഗവർണർക്കെതിരെ സുപ്രീംകോടതിയെ സമീപിക്കാനൊരുങ്ങി കർണാടക സർക്കാർ. ഈ വർഷത്തെ ആദ്യ നിയമസഭാസമ്മേളനത്തിൽ നയപ്രഖ്യാപന പ്രസംഗം പേരിനുമാത്രം വായിച്ച് കർണാടക ഗവർണറായ തവർചന്ദ് ഗെഹലോട്ട് ഇറങ്ങിപ്പോയിരുന്നു. മന്ത്രിസഭ തയാറാക്കിയ നയപ്രഖ്യാപന പ്രസംഗം വായിക്കാൻ തയ്യാറാവാതിരുന്ന ഗവർണറെ തിരികെ വിളിക്കണമെന്നാവശ്യപ്പെട്ട് രാഷ്ട്രപതിക്ക് കത്ത് നൽകാനും ആലോചനയുണ്ട്. വിഷയം കഴിഞ്ഞ ദിവസം വൈകീട്ട് ചേർന്ന മന്ത്രിസഭായോഗം ചർച്ച ചെയ്തു.
ഇന്നലെയായിരുന്നു നിയമസഭാസമ്മേളനം നടന്നത്. മന്ത്രിസഭ അംഗീകരിച്ച നയപ്രഖ്യാപനപ്രസംഗം പേരിനുമാത്രം വായിച്ച ഗവർണർ ദേശീയ ഗാനം പൂർത്തിയാകും മുമ്പ് ഇറങ്ങിപ്പോയിരുന്നു. മന്ത്രിസഭാ ഉപദേശക സമിതിയുടെ യോഗം ഇന്ന് വിളിച്ചുചേർത്തിട്ടുണ്ട്. ഇന്നത്തെ നിയമസഭാ നടപടികൾക്ക് മുമ്പാകും മന്ത്രിസഭാ ഉപദേശക സമിതിയുടെ യോഗം ചേരുക.
