കോഴിക്കോട്: ലൈംഗികാതിക്രമം നടത്തിയെന്ന ആരോപണത്തെ തുടർന്ന് യുവാവ് ആത്മഹത്യ ചെയ്ത സംഭവത്തിൽ യുവതിക്കെതിരെ ആത്മഹത്യ പ്രേരണ കുറ്റം ചുമത്തി. ഗോവിന്ദപുരം സ്വദേശി ദീപക് ആത്മഹത്യ ചെയ്തത സംഭവത്തിലാണ് യുവതിക്കെതിരെ കേസെടുത്തത്. വടകര സ്വദേശി ഷിംജിത മുസ്തഫയ്ക്ക് എതിരെയാണ് പൊലീസ് കേസ് എടുത്തത്. ആത്മഹത്യാപ്രേരണ കുറ്റം ചുമത്തിയാണ് കേസ്. ദീപക്കിന്റെ കുടുംബത്തിന്റെ പരാതിയിലാണ് നടപടി.
യുവതിയുടെ മൊഴി കൂടി രേഖപ്പെടുത്തിയ ശേഷമാണ് പൊലീസ് കേസടുത്തത്. പയ്യന്നൂരില് സ്വകാര്യ ബസില് വെച്ച് ലൈംഗിക അതിക്രമം നടത്തിയെന്ന് പറഞ്ഞാണ് യുവതി ഇന്സ്റ്റഗ്രാമില് ദൃശ്യങ്ങള് പോസ്റ്റ് ചെയ്തത്. ഇതിനെ തുടർന്നാണ് ദീപക് ജീവനൊടുക്കിയത്.
ബസില് വെച്ച് ദുരനുഭവമുണ്ടായെന്ന ആരോപണം ദീപക്കിന്റെ മരണത്തിന് ശേഷവും യുവതി ആവര്ത്തിച്ചിരുന്നു. വടകര പൊലീസില് ഇക്കാര്യം അറിയിച്ചെന്നുമായിരുന്നു യുവതിയുടെ അവകാശ വാദം. എന്നാല് ഈ വാദം വടകര പൊലീസ് തള്ളി. ഇങ്ങനെയൊരു സംഭവത്തെക്കുറിച്ച് അറിയില്ലെന്നും ആരും പരാതി നല്കിയിട്ടില്ലെന്നുമായിരുന്നു വടകര ഇന്സ്പ്കെടറുടെ വിശദീകരണം.
