കോട്ടയം: ഉഴവൂരിൽ ബൈക്കിൽ സഞ്ചരിക്കവെ അബദ്ധത്തിൽ വെടിയേറ്റ് മധ്യവയസ്കൻ മരിച്ച സംഭവത്തിൽ തോക്കിന് ലൈസൻസ് ഉണ്ടായിരുന്നതായി കണ്ടെത്തി. ഇന്നലെ രാത്രിയിൽ വീട്ടിൽ നിന്ന് തൊട്ടടുത്തുള്ള സ്ഥലത്തേക്ക് അഭിഭാഷകനായ ജോബി തോക്കുമായി സ്കൂട്ടറിൽ പോകുമ്പോൾ നിയന്ത്രണം വിട്ട് വാഹനം മറിയുകയും ഇതിനിടയിൽ തോക്കിൽ നിന്നും വെടിയേൽക്കുകയുമായിരുന്നു. മരിച്ച ഉഴവൂർ സ്വദേശി ജോബിയുടെ പോസ്റ്റ്മോർട്ടം ഇന്ന് കോട്ടയം മെഡിക്കൽ കോളജിൽ നടക്കും.
സംഭവത്തിൽ പൊലീസ് വിശദമായ പരിശോധന നടത്തും. ബാലസ്റ്റിക്ക് പരിശോധനകളടക്കമുള്ള വിശദമായ ശാസ്ത്രീയ പരിശോധനകളിലേക്കായിരിക്കും പൊലീസ് കടക്കുക.
