തിരുവനന്തപുരം: രാജ്ഭവന്റെ ത്രൈമാസികയുടെ പ്രകാശനത്തിൽ ആർട്ടിക്കൾ 200 ആയ ഗവർണറുടെ അധികാരത്തെപ്പറ്റി പറയുന്ന ലേഖനത്തെ എതിർത്ത് മുഖ്യമന്ത്രി പിണറായി വിജയൻ. മാസികയിലെ ഗവർണറുടെ അധികാരത്തെ കുറിച്ചുള്ള ലേഖനത്തിന്റെ ഉള്ളടക്കം സർക്കാർ നിലപാടാല്ല എന്നാണ് മുഖ്യമന്ത്രി പരസ്യമായി വിമർശിച്ചത്. എന്നാൽ വിമർശനത്തിൽ ഗവർണർ മൗനം പാലിക്കുയായിരുന്നു.
ഔദ്യോഗിക ചടങ്ങുകളിൽ അനൗദ്യോഗിക ചിഹ്നങ്ങൾ ഒഴിവാക്കണമെന്ന് സംസ്ഥാനസർക്കാർ ആവശ്യപ്പെട്ടിരുന്നു. തുടർന്ന് ചടങ്ങിൽ ഭാരതാംബ ചിത്രം ഉപയോഗിക്കില്ലെന്ന് അറിച്ചതോടെയാണ് ത്രൈമാസികയുടെ പ്രകാശനത്തിൽ പങ്കെടുക്കാൻ മുഖ്യമന്ത്രി തീരുമാനിച്ചത്. സർവകലാശാല വിവാദത്തെ തുടർന്നുണ്ടായ അകൽച്ച മറന്ന് മുഖ്യമന്ത്രി ചടങ്ങിന് എത്തിയത് മഞ്ഞുരുക്കമായി കരുതിയെങ്കിലും പരിപാടിയിലും പരസ്യമായി വിമർശനം അറിയിക്കുകയായിരുന്നു അദ്ദേഹം. നേരത്തെ ഗവർണർ പങ്കെടുത്ത പരിപാടികളിൽ ഭാരാംബയുടെ ചിത്രം ഉപയോഗിച്ചതിൽ മന്ത്രിമാരായ വി ശിവൻകുട്ടി, പി പ്രസാദ് എന്നിവർ വിമർശനമറിയിക്കുകയും പരിപാടിയിൽ നിന്ന് ഇറങ്ങി പോകുകയും ചെയ്തിരുന്നു.
അതേസമയം കേരള സർവകലാശാലയുടെ സെനറ്റ് ഹാളിൽ ഗവർണർ പങ്കെടുത്ത സ്വകാര്യ സംഘടനയുടെ വേദിയിൽ ഭാരതാംബ ചിത്രം വെച്ചത് തടഞ്ഞെന്ന ആരോപണത്തിൽ രജിസ്ട്രാറിനെ സസ്പെൻഡ് ചെയ്തിരുന്നു. രജിസ്ട്രാർ കെ എസ് അനിൽ കുമാറിനെയായിരുന്നു സസ്പെൻഡ് ചെയ്തത്. സസ്പെൻഷൻ നടപടി ഇതുവരെ പിൻവലിച്ചിട്ടില്ല
