കോട്ടയം: എൻഎസ്എസ് ഒരിക്കലും സർക്കാരിനെ എതിർത്തിട്ടില്ലെന്ന് മന്ത്രി വി എൻ വാസവൻ. ചില കാര്യങ്ങൾ വരുമ്പോൾ അഭിപ്രായം പറയും. വിമർശനങ്ങൾ ഉയർത്തും എന്നിരുന്നാലും പ്രശ്നാധിഷ്ഠിതമായി കാര്യങ്ങൾ പറയുന്ന നിലപാടാണ് എൻ എസ് എസിന്റേത്. സുകുമാരൻ നായർ നേരത്തെ തന്നെ അയ്യപ്പ സംഗമത്തിന് പിന്തുണ അറിയിച്ചിരുന്നു. അയ്യപ്പ സംഗമത്തിലേക്ക് അദ്ദേഹം പ്രതിനിധിയെയും അയച്ചതാണ്.
സന്തോഷകരമായ സമീപനമാണ് സുകുമാരൻ നായർ സ്വീകരിച്ചതെന്നും വി എൻ വാസവൻ പറഞ്ഞു.
യുഡിഎഫിനും ബിജെപിക്കും എതിരെ എൻ എസ് എസ് ഉയർത്തിയത് സൃഷ്ടിപരമായ വിമർശനമാണ്. എല്ലാ അർത്ഥത്തിലും ഞങ്ങൾ എടുത്ത നിലപാട് ശരിയാണെന്ന് സ്ഥിരീകരിക്കുന്നതാണ് സുകുമാരൻ നായരുടെ പ്രതികരണം. സുകുമാരൻ നായരുടെ നിലപാട് സ്വാഗതാർഹമണെന്നും വി എൻ വാസവൻ പറഞ്ഞു സദുദ്ദേശപരമായാണ് സുകുമാരൻ നായരുടെ പ്രതികരണം. തെരഞ്ഞെടുപ്പുമായി ഈ പ്രതികരണത്തിനു ഒരു ബന്ധവും ഇല്ല.
അയ്യപ്പ സംഗമത്തെ രാഷ്ട്രീയപരമാക്കിയത് ബിജെപിയും, യുഡിഎഫിലെ ചില നേതാക്കന്മമാരും ആണെന്നും മന്ത്രി പറഞ്ഞു. അയ്യപ്പ സംഗമത്തിൽ എൻഎസ്എസിന്റെ പ്രതിനിധി അവതരിപ്പിച്ചതും ശരിയായ നിലപാട്. ബദൽ അയ്യപ്പ സംഗമത്തിൽ നടന്നത് മതനിരപേക്ഷതയിൽ പോറൽ എൽപ്പിക്കുന്ന സംഭവങ്ങൾ. അവിടെ പ്രസംഗിച്ച ഒരാൾ വാവരെ തീവ്രവാദി എന്ന് വിളിച്ചു. പന്തളം കൊട്ടാരം തന്നെ അതിനെതിരെ നിയമ നടപടിക്ക് പോവുകയാണന്നും മന്ത്രി വി എൻ വാസവൻ കോട്ടയത്ത് പ്രതികരിച്ചു.
