തിരുവനന്തപുരം: സംസ്ഥാന ചലച്ചിത്ര അക്കാദമി ചെയര്മാനായി ഓസ്കാര് ജേതാവ് റസൂല് പൂക്കുട്ടിയെ നിയമിച്ചു. നടിയും ‘അമ്മ’ സംഘടനയുടെ ജനറല് സെക്രട്ടറിയുമായ കുക്കു പരമേശ്വരനെ വൈസ് ചെയര്പേഴ്സണായും നിയമിച്ചിട്ടുണ്ട്. സി. അജോയ് ആണ് അക്കാദമിയുടെ സെക്രട്ടറി.
സന്തോഷ് കീഴാറ്റൂര്, നിഖില വിമല്, ബി. രാകേഷ്, സുധീര് കരമന, റെജി എം. ദാമോദരന്, സിത്താര കൃഷ്ണകുമാര്, മിന്ഹാജ് മേഡര്, സോഹന് സീനുലാല്, ജി.എസ്. വിജയന്, ശ്യാം പുഷ്കരന്, അമല് നീരദ്, സാജു നവോദയ, എന്. അരുണ്, പൂജപ്പുര രാധാകൃഷ്ണന്, ശ്രീഗണേഷ് എന്നിവരടങ്ങുന്നതാണ് ചലച്ചിത്ര അക്കാദമിയുടെ ജനറല് കൗണ്സില്.
വൈസ് ചെയര്മാനായിരുന്ന നടന് പ്രേംകുമാറായിരുന്നു സംസ്ഥാന ചലച്ചിത്ര അക്കാദമി ചെയർമാനായിരുന്നത്. വിവാദങ്ങളെത്തുടർന്ന് സംവിധായകന് രഞ്ജിത് സ്ഥാനമൊഴിഞ്ഞശേഷമായിരുന്നു പ്രേംകുമാർ ചെയര്മാന്റെ ചുമതല ഏറ്റെടുത്തിരുന്നത്. ഷാജി എന്. കരുണിന്റെ മരണത്തെത്തുടര്ന്ന് ചലച്ചിത്ര വികസന കോര്പ്പറേഷന് ചെയര്മാനായി സംവിധായകന് കെ.മധുവിനെ നിയമിച്ചിരുന്നു.
