Homepage Featured Kerala News Sports

സംസ്ഥാന സ്കൂൾ കായികമേള; ആതിഥേയരായ തിരുവനന്തപുരത്തിന് ഓവറോൾ ചാമ്പ്യൻഷിപ്പ്

തിരുവനന്തപുരം: സംസ്ഥാന സ്കൂൾ കായികമേളയിൽ 1825 പോയിന്റുമായി മുഖ്യമന്ത്രിയുടെ സ്വർണ കപ്പ് സ്വന്തമാക്കി ആതിഥേയരായ തിരുവനന്തപുരം ജില്ല. രണ്ടും മൂന്നും സ്ഥാനത്തുള്ള തൃശൂർ, കണ്ണൂർ ജില്ലകൾ യഥാക്രമം 892, 859 പോയിന്റുകളാണ് നേടിയത്.

അക്വാട്ടിക്സ്, ഗെയിംസ് ഇനങ്ങളിൽ വ്യക്തമായ ആധിപത്യം പുലർത്തിയാണ് തിരുവനന്തപുരം ഇത്തവണത്തെ ചാംപ്യന്മാരായത്.
ഗെയിംസിൽ 1107 പോയിന്റുകളോടെയാണ് തിരുവനന്തപുരം ഒന്നാമതായത്. 798 പോയിന്റുകൾ നേടിയ കണ്ണൂരാണ് ​ഗെയിംസിൽ രണ്ടാമതെത്തിയത്. അക്വാട്ടിക്‌സിൽ 649 പോയിന്റുകളോടെ തിരുവനന്തപുരം ഒന്നാമതായപ്പോൾ 149 പോയിന്റുകളുമായി തൃശൂർ ജില്ലയാണ് രണ്ടാമത്. അത്‍ലറ്റിക്സ് ഇനങ്ങളിൽ മലപ്പുറം 247 പോയിന്റുകളോടെ ചാംപ്യന്മാരായി. 212 പോയിന്റുകളോടെ പാലക്കാട് രണ്ടാമതായി.

സ്കൂളുകളിൽ 78 പോയിന്റുകളുമായി ഐഡിയൽ എച്ച്എസ്എസ്. കടകശ്ശേരി ഒന്നാമതായി. 58 പോയിന്റുകളുമായി വിഎംഎച്ച്എസ് വടവന്നൂർ രണ്ടാമതും തൊട്ടു പുറകിൽ 57 പോയിന്റുമായി നാവാമുകുന്ദ എച്ച്എസ്എസ് തിരുനാവായ മൂന്നാമതുമെത്തി. അവസാന ദിനം അത്‌ലറ്റിക്സിലെ പാലക്കാടിന്റെ തേരോട്ടം അവസാനിപ്പിച്ച് 247 പോയിന്റുകളുമായി മലപ്പുറം ഒന്നാം സ്ഥാനം നേടി. രണ്ടാമതായി പാലക്കാട് 212 ലേക്ക് ഒതുങ്ങിയപ്പോൾ കോഴിക്കോട് 91 പോയിന്റോടെ മൂന്നാമതായി.

Related Posts