അഹമ്മദാബാദ്: ഇന്ന് നടന്ന പുന:സംഘടനയുടെ ഭാഗമായി റിവാഡ ജഡേജ ഉൾപ്പെടെ 19 പുതുമുഖങ്ങൾ ഗുജറാത്ത് മന്ത്രിസഭയിലെത്തിയിട്ടുണ്ട്. ഇന്ത്യൻ ക്രിക്കറ്റർ രവീന്ദ്ര ജഡേജയുടെ ഭാര്യയാണ് റിവാഡ ജഡേജ. മുൻ ആഭ്യന്തര സഹമന്ത്രിയായിരുന്ന ഹര്‍ഷ് സംഘ്‌വി ഉപമുഖ്യമന്ത്രിയായി സത്യപ്രതിജ്ഞ ചെയ്തിട്ടുണ്ട്. ഉപേന്ദ്ര പട്ടേൽ മുഖ്യമന്ത്രിയായി തുടരുകയും ചെയ്തു.
മുഖ്യമന്ത്രിയടക്കം 17 പേരുണ്ടായിരുന്ന മന്ത്രിസഭയിൽ 16 പേർ കഴിഞ്ഞ ദിവസം രാജി വെക്കുകയും ഇതിലെ 5 മന്ത്രിമാരുൾപ്പെടെ മന്ത്രിമാരുൾപ്പെടെ 26 അംഗ മന്ത്രിസഭ ഇന്ന് ചുമതലയേൽക്കുകയുമായിരുന്നു.
ആരാണ് റിവാഡ ജഡേജ?
ഹർദേവ് സിങ്ങിന്റെയും പ്രഫുല്ലഭാ സോലാങ്കിയുടേയും മകളായി രാജ്കോട്ടിലായിരുന്നു റിവാഡ ജഡേജയുടെ ജനനം. രാജ്പുത് ഫാമിലിയിൽ അംഗമായ റിവാഡ ജഡേജ കോൺഗ്രസ് നേതാവ് ഹരിസിങ് സൊലാങ്കിയുടെ ബന്ധുവാണ്.
അഹമ്മദാബാദിലെ ഗുജറാത്ത് ടെക്നിക്കൽ യൂണിവേഴ്സിറ്റിയിൽ നിന്നും മെക്കാനിക്കൽ എൻജിനീയറിങ്ങിൽ ബിരുദം നേടിയ റിവാഡ ശ്രീ മാതൃശക്തി ചാരിറ്റബിൾ ട്രസ്റ്റ് എന്ന പേരിൽ സ്ത്രീ ശാക്തീകരണത്തിനും സ്ത്രീകളുടെ ഉന്നമനത്തിനുമായി ഒരു ജീവകാരുണ്യ സംഘടന രൂപീകരിച്ചിട്ടുണ്ട്.
2016 ൽ റിവാഡ ഇന്ത്യൻ ക്രിക്കറ്റർ രവീന്ദ്ര ജഡേജയെ വിവാഹം ചെയ്തു. ദമ്പതികൾക്ക് ഒരു മകളുണ്ട്. രാഷ്ട്രീയ പ്രവേശനത്തിന് മുമ്പ് തന്നെ രാജ്പുത് എന്ന ജാതിയുമായി ബന്ദപ്പെട്ട് പ്രവർത്തിക്കുന്ന കർനി സേനയിൽ അംഗമായിരുന്നു. 2019 ലാണ് റിവാഡ ജഡേജ ബിജെപിയിലെത്തുന്നത്. ജാംനഗർ സൗരാഷ്ട്ര മേഖലയിലായിരുന്നു രാഷ്ട്രീയപ്രവർത്തനം നടത്തിയത്.
പിന്നീട് അതിവേഗം തന്നെ പാർഡലമെന്ററി രംഗത്തെത്താൻ റിവാഡയ്ക്ക് കഴിഞ്ഞു. 2022 ൽ ജാംനഗർ നോർത്ത് മണ്ടലത്തെ പ്രതിനിധീകരിച്ച് 50000 വോട്ടുകളുടെ ഭൂരിപക്ഷത്തിൽ ഗുജറാത്ത് നിയമസഭയിലെത്തി. റിവാഡ മത്സരിച്ച തെരഞ്ഞെടുപ്പുകളിൽ ഭർത്താവ് രവീന്ദ്ര ജഡേജയും പ്രചരണത്തിൽ സജീവമായിരുന്നു. റിവാഡയുടെ പ്രധാന എതിർ സ്ഥാനാർത്ഥിയായിരുന്ന ആം ആദ്മി പാർട്ടിയിലെ കർഷൻഭായ് കർമൂർ 23 ശതമാനം വോട്ടുകൾ നേടിയിരുന്നു. അതേസമയം കോൺഗ്രസ് സ്ഥാനാർത്ഥിയായിരുന്ന ബിപേന്ദ്ര സിങ് ചതുർ സിങ് ജഡേജയ്ക്ക് 15.5 ശതമാനം വോട്ടും നേടാനായിരുന്നു.
