ന്യൂഡൽഹി: 2025ലെ നൊബേൽ സമ്മാന പ്രഖ്യാപനത്തിന് തുടക്കമായി. ഈ വർഷത്തെ വൈദ്യശാസ്ത്രത്തിനുള്ള നൊബേൽ സമ്മാനത്തിന് മൂന്ന് പേരാണ് അര്ഹരായത്. മേരി ഇ ബ്രൻകോവ്, ഫ്രെഡ് റാംസ്ഡെൽ, ഷിമോൺ സാകാഗുച്ചി എന്നിവർ വൈദ്യശാസ്ത്ര നൊബേലിന് അര്ഹരായി. സമ്മാനം ലഭിച്ചിരിക്കിന്നത് പെരിഫറൽ ഇമ്മ്യൂൺ ടോളറന്സിനെ പറ്റിയുള്ള ഗവേഷണത്തിനാണ്. സിയാറ്റിലിനിലെ ഇൻസ്റ്റിറ്റ്യൂട്ട് ഓഫ് ബയോളജിയിലെ ഗവേഷകയാണ് മേരി ഇ ബ്രൺകോവ്. സാൻ ഫ്രാൻസിസ്കോയിലെ സൊനോമ ബയോതെറാപ്യൂട്ടിക്സ് സ്ഥാപകനും ഷിമോൺ സാകാഗുച്ചി ജപ്പാനിലെ ഒസാക സർവകലാശാലയിലെ ഗവേഷകനുമാണ് ഫ്രെഡ് റാംസ്ഡെൽ. നൊബേൽ സമ്മാനം നേടിയവർക്ക് സര്ട്ടിഫിക്കറ്റ്, സ്വര്ണ മെഡല്, 13.31 കോടി രൂപയുടെ ചെക്ക് എന്നിവയാണ് ലഭിക്കുക. നൊബേല് അസംബ്ലിയാണ് പുരസ്കാര പ്രഖ്യാപനം നടത്തിയത്.
ബുധനാഴ്ച രസതന്ത്രത്തിനുള്ള നോബൽ സമ്മാനങ്ങളും പ്രഖ്യാപിക്കും. ക്വാണ്ടം കമ്പ്യൂട്ടിംഗ്, മെറ്റീരിയൽ ഗവേഷണം, ബഹിരാകാശ ഭൗതികശാസ്ത്രം എന്നിവയുൾപ്പെടെയുള്ള അടിസ്ഥാന ശാസ്ത്രത്തിലെയും ഉയർന്നുവരുന്ന സാങ്കേതികവിദ്യകളിലെയും കണ്ടെത്തലുകളിൽ ഈ അവാർഡുകൾ ശ്രദ്ധ കേന്ദ്രീകരിക്കാൻ സാധ്യതയുണ്ട്, ഇവ സമീപ വർഷങ്ങളിൽ ഗണ്യമായ മുന്നേറ്റങ്ങൾ കണ്ടിട്ടുണ്ട്. ലോക സംസ്കാരത്തെയും അവബോധത്തെയും രൂപപ്പെടുത്തുന്ന എഴുത്തുകാരെ അംഗീകരിക്കുന്നതിലൂടെ ആഗോള ശ്രദ്ധ ആകർഷിക്കുന്ന സാഹിത്യത്തിനുള്ള നോബൽ സമ്മാനം വ്യാഴാഴ്ച പ്രഖ്യാപിക്കും. അന്താരാഷ്ട്ര ശ്രദ്ധയാകർഷിക്കുന്നതും ഭൗമരാഷ്ട്രീയ സംഘർഷങ്ങൾ തുടരുന്നതുമായ സാഹചര്യത്തിൽ, വെള്ളിയാഴ്ച ഓസ്ലോയിൽ വെച്ച് സമാധാനത്തിനുള്ള നോബൽ സമ്മാനം സമ്മാനിക്കും. സാമ്പത്തിക ശാസ്ത്രത്തിലെ അന്തിമ പുരസ്കാരം ഒക്ടോബർ 13 തിങ്കളാഴ്ച പ്രഖ്യാപിക്കും. ആൽഫ്രഡ് നോബലിന്റെ ചരമവാർഷികമായ ഡിസംബർ 10 ന് ഔദ്യോഗിക അവാർഡ് ദാന ചടങ്ങുകൾ നടക്കും.
