ചെന്നൈ: കരൂർ ആൾക്കൂട്ട ദുരന്തത്തിൽ അന്വേഷണം സിബിഐക്ക് വിടണം എന്നാവശ്യപ്പെട്ട് ടിവികെ നൽകിയ ഹർജി ഇന്ന് മദ്രാസ് ഹൈക്കോടതി തള്ളി. ടിവികെ അധ്യക്ഷൻ വിജയ്ക്കെതിരെ കേസെടുക്കണം എന്നാവശ്യപ്പെട്ടുള്ള പൊതുതാത്പര്യ ഹർജിയും, പ്രതിപ്പട്ടികയിലുള്ള ടിവികെ ഭാരവാഹികളായ ബുസി ആനന്ദ്, നിർമൽ കുമാർ എന്നിവരുടെ മുൻകൂർ ജാമ്യാപേക്ഷയും മധുര ഇന്ന് പരിഗണിച്ചു .
കരൂരിലെ തിക്കിലും തിരക്കിലും പെട്ട സംഭവവുമായി ബന്ധപ്പെട്ട് സാമൂഹിക പ്രവർത്തകർ ഉൾപ്പെടെ ഏഴ് പേർ ഹൈക്കോടതിയുടെ മധുര ബ്രാഞ്ചിൽ പൊതുതാൽപ്പര്യ ഹർജി (പിഐഎൽ) ഫയൽ ചെയ്തു. ഈ ഹർജികളിൽ ഇന്ന് വാദം കേൾക്കൽ ആരംഭിച്ചു. രാഷ്ട്രീയ യോഗങ്ങൾക്കുള്ള മാർഗ്ഗനിർദ്ദേശങ്ങൾ ആവശ്യപ്പെട്ടുകൊണ്ടുള്ള ഹർജികളാണ് ആദ്യം വാദം കേൾക്കാൻ എടുത്തത്.
വാദം കേൾക്കുന്നതിനിടയിൽ, ജഡ്ജിമാർ സർക്കാരിനോടും പ്രതിപക്ഷത്തോടും നിരവധി ചോദ്യങ്ങൾ ഉന്നയിച്ചു. സംസ്ഥാന പാതയിൽ എങ്ങനെയാണ് അനുമതി നൽകിയത്? വിജയ്യുടെ പ്രചാരണത്തിന് അനുമതി നൽകുന്ന കത്ത് എവിടെ ? വിജയ്യുടെ പ്രചാരണ റാലിയിൽ കുടിവെള്ളം നൽകിയിരുന്നോ? ക്രമസമാധാനപാലകർ കുടിവെള്ളവും ശുചിത്വ സൗകര്യങ്ങളും നിരീക്ഷിച്ചിരുന്നോ ? എന്നിങ്ങനെ നിരവധി ചോദ്യങ്ങളാണ് കോടതി ചോദിച്ചത്.
ഉചിതമായ അനുമതി നേടിയ ശേഷം അനുവദനീയമായ സ്ഥലത്ത് അവർ യോഗം നടത്തിയെന്നും ദേശീയ പാതയിലല്ല യോഗം നടന്നത് എന്നും സർക്കാർ മറുപടി നൽകി. റോഡിന്റെ വടക്ക് ഭാഗത്തേക്ക് മാത്രമാണ് അനുമതി നൽകിയത് എന്നും സർക്കാർ പറഞ്ഞു.
ഹർജിക്കാരൻ ഒരു ഇരയാണോ? പോലീസ് അന്വേഷണത്തിൽ നിങ്ങൾക്ക് തൃപ്തിയില്ലെങ്കിൽ, നിങ്ങൾക്ക് അത് മാറ്റാം. കേസ് പ്രാഥമിക അന്വേഷണ ഘട്ടത്തിലായിരിക്കെ എന്തിനാണ് സിബിഐ അന്വേഷണം ആവശ്യപ്പെടുന്നതെന്നും കോടതി ചോദിച്ചു, കോടതിയെ ഒരു രാഷ്ട്രീയ വേദിയാക്കി മാറ്റരുതെന്ന് വ്യക്തമായി ആവശ്യപ്പെടുകയും കേസ് തള്ളാൻ ഉത്തരവിടുകയും ചെയ്തു.
കരൂർ ദുരന്തത്തിന്റെ വിചാരണയിൽ ജനങ്ങളുടെ ക്ഷേമമാണ് പ്രധാനം. പൊതുയോഗങ്ങൾക്കുള്ള മാർഗ്ഗനിർദ്ദേശങ്ങൾ രൂപീകരിക്കുന്നത് സംബന്ധിച്ച ഹർജി ചെന്നൈ സെഷനിൽ പരിഗണനയിലാണ്. ഇടക്കാല ഉത്തരവ് പുറപ്പെടുവിച്ചാൽ അത് കേസിനെ ബാധിക്കും. ആ ഹർജിയോടൊപ്പം ഇവയും ഇടപെടൽ ഹർജിയായി ഫയൽ ചെയ്യണമെന്ന് ജഡ്ജിമാർ പറഞ്ഞു.
ടിവികെ അഭിഭാഷകർ എത്തിയത് മുൻകൂർ ജാമ്യാപേക്ഷയ്ക്ക് വേണ്ടി മാത്രമാണ്. ധനസഹായം വർധിപ്പിക്കണം എന്നുള്ള ഹർജികളിൽ കോടതി സംസ്ഥാന സർക്കാരിന് നോട്ടീസ് അയച്ചു. രണ്ടാഴ്ചയ്ക്കുള്ളിൽ മറുപടി നൽകണം. അന്വേഷണം പ്രാരംഭ ഘട്ടത്തിലാണെന്നും കോടതി പറഞ്ഞു. ടിവികെ നാമക്കൽ ജില്ലാ സെക്രട്ടറിയുടെ മുൻകൂർ ജാമ്യാപേക്ഷ തള്ളി. പൊതുമുതൽ നശിപ്പിച്ച കേസിൽ ആണ് നടപടി.
