ഡൽഹി: ഡൽഹി-എൻ‌സി‌ആറിലെ ഗ്രേഡഡ് റെസ്‌പോൺസ് ആക്ഷൻ പ്ലാനിന്റെ (ജിആർഎപി) മൂന്നാം ഘട്ട പ്രകാരമുള്ള നിയന്ത്രണങ്ങൾ എയർ ക്വാളിറ്റി മാനേജ്‌മെന്റ് കമ്മീഷൻ പിൻവലിച്ചതിന് ശേഷവും ഡൽഹിയിൽ വായുവിന്റെ ഗുണനിലവാരം ‘വളരെ മോശം’ എന്ന നിലയിൽ തന്നെ തുടരുന്നു. രാവിലെ 8 മണിക്ക് നഗരത്തിലെ മൊത്തത്തിലുള്ള വായു ഗുണനിലവാര സൂചിക 351 എന്ന നിലയിൽ ആണ്.
ഡൽഹി-എൻ‌സി‌ആർ മേഖലയിലെ വായു മലിനീകരണത്തെ ചെറുക്കുന്നതിനുള്ള അടിയന്തര സാഹചര്യങ്ങളിൽ ഉള്ള ചട്ടക്കൂടാണ് ജിആർഎപി. ഇത് വായു ഗുണനിലവാര സൂചിക (AQI) അടിസ്ഥാനമാക്കിയാണ് തീരുമാനിക്കുന്നത്.
ഡൽഹിയിലെ ബുരാരി, ആനന്ദ് വിഹാർ, ചാന്ദ്നി ചൗക്ക്, ഐടിഒ, ജഹാംഗീർപുരി എന്നിവയുൾപ്പെടെയുള്ള പ്രദേശങ്ങളിൽ വായുനിലവാരസൂചിക(AQI) 300-ന് മുകളിൽ രേഖപ്പെടുത്തി.
ബുധനാഴ്ച വൈകുന്നേരം 4 മണിക്ക്, നഗരത്തിലെ 24 മണിക്കൂർ ശരാശരി AQI 327 രേഖപ്പെടുത്തി, ഇത് ‘വളരെ മോശം’ വിഭാഗത്തിൽ പെട്ടു. ചൊവ്വാഴ്ചത്തെ 353 AQI, തിങ്കളാഴ്ചത്തെ 328 AQI എന്നിവയേക്കാൾ ഇത് അല്പം മികച്ചതായിരുന്നു ഇത്. തുടർച്ചയായ 21-ാം ദിവസമാണ് 300 ന് മുകളിലായി.
ഡൽഹിയിലെ ബുരാരിയിൽ 369, ആനന്ദ് വിഹാറിൽ 390, ദ്വാരകയിൽ 348, ജഹാംഗീർപുരിയിൽ 394, നരേലയിൽ 388, രോഹിണിയിൽ 400 എന്നിങ്ങനെയാണ് AQI രേഖപ്പെടുത്തിയത്.
