കൊച്ചി: രാജ്യത്ത് പുതിയ തൊഴിൽ നിയമങ്ങൾ പ്രാബല്യത്തിൽ വന്നിരിക്കുകയാണ്. സമഗ്ര മാറ്റങ്ങളാണ് പുതിയ ലേബർ കോഡുകൾ കൊണ്ടുവന്നിരിക്കുന്നത്. ശമ്പളം മുതൽ ഗ്രാറ്റുവിറ്റി വരെയുള്ള എല്ലാ നിയമങ്ങളിലും പുതിയ ഈ നിയമങ്ങൾ മാറ്റം വരുത്തി. 29 പഴയ തൊഴിൽ നിയമങ്ങൾക്ക് പകരം നിലവിൽ വന്ന, നാല് പുതിയ തൊഴിൽ കോഡുകളാണ് നടപ്പിലാക്കുന്നത്.
സ്ത്രീകള്ക്ക് അവരുടെ താല്പര്യം പരിഗണിച്ച് രാത്രികാല ഷിഫ്റ്റുകളില് ജോലി നല്കുന്നതടക്കം മാറ്റങ്ങളുമായാണ് പുതിയ കോഡുകള് നിലവില് വന്നത്. ഡിജിറ്റൽ പ്ലാറ്റ്ഫോമുകളിൽ പ്രവർത്തിക്കുന്ന ദശലക്ഷക്കണക്കിന് ഗിഗ് (Gig), പ്ലാറ്റ്ഫോം തൊഴിലാളികൾക്ക് ആദ്യമായി നിയമപരമായ വ്യക്തത നൽകും എന്നാണ് നിയമം പറയുന്നത്.
പുതിയ ലേബർ കോഡ് പ്രകാരം, നിയമന കത്തുകൾ നിർബന്ധമായിരിക്കും. എന്നാൽ പുതിയ തൊഴിൽ നിയമം കമ്പനികൾക്കുള്ള നിയന്ത്രണങ്ങൾ ലളിതമാക്കും എന്നാണ് വിദഗ്ധരുടെ അഭിപ്രായം. പെൻഷനുകളും പെൻഷൻ ഫണ്ടുകളും ഉൾപ്പെടെയുള്ള വിരമിക്കൽ സുരക്ഷയെ പുതിയ നിയമം ശക്തിപ്പെടുത്തുമെന്ന് വിദഗ്ദ്ധർ പറയുന്നു. അതേസമയം ദശലക്ഷക്കണക്കിന് ജീവനക്കാർക്ക് പ്രതിമാസ ടേക്ക്-ഹോം വേതനം കുറയ്ക്കാൻ ഇത് കാരണമാകും.
പുതിയ തൊഴിൽ നിയമപ്രകാരം, വേതനത്തിൽ അടിസ്ഥാന ശമ്പളം, ക്ഷാമബത്ത, നിലനിർത്തൽ അലവൻസ് എന്നിവ ഉൾപ്പെടുമെന്നും, ഒരു ജീവനക്കാരന്റെ മൊത്തം ശമ്പളത്തിന്റെ കുറഞ്ഞത് 50% ഡിഎയും മറ്റ് അലവൻസുകളും ഉൾക്കൊള്ളുന്നുണ്ടെന്ന് തൊഴിലുടമകൾ ഉറപ്പാക്കേണ്ടതുണ്ടെന്നും വിദഗ്ദ്ധർ പറഞ്ഞു. ഈ മാറ്റം പ്രൊവിഡന്റ് ഫണ്ട് (പിഎഫ്), ഗ്രാറ്റുവിറ്റി, മറ്റ് ആനുകൂല്യങ്ങൾ എന്നിവയെ നേരിട്ട് ബാധിച്ചേക്കാം.
ഗ്രാറ്റുവിറ്റി, പെൻഷൻ, സാമൂഹിക സുരക്ഷാ ആനുകൂല്യങ്ങൾ എന്നിവ മൊത്തം ശമ്പളത്തിന്റെ 50% വരും. ഇത് കമ്പനിയുടെയും ജീവനക്കാരുടെയും വിഹിതം വർദ്ധിപ്പിക്കും, ഇത് ജീവനക്കാരുടെ ടേക്ക്-ഹോം പേയിൽ കുറവുണ്ടാക്കാം.
