കോഴിക്കോട്: പെണികുട്ടിയോട് ലൈംഗികാതിക്രമം നടത്തിയ 70കാരനായ റിട്ട. അധ്യാപകന് പിടിയില്. കോഴിക്കോട് പയ്യോളി മണിയൂര് എളമ്പിലാട് സ്വദേശി മീത്തലെ പൊയില് എം.പി വിജയന് (70) ആണ് പിടിയിലായത്. മണിയൂര് പഞ്ചായത്തുതല കേരളോത്സവം നടക്കുന്നതിനിടെ കഴിഞ്ഞ ഒക്ടോബര് 20നാണ് കേസിനാസ്പദമായ സംഭവം.
പ്രായപൂര്ത്തിയാകാത്ത കുട്ടിയുടെ ബന്ധുക്കളും നാട്ടുകാരും വിവരം അറിഞ്ഞതോടെ ഇയാള് ഒളവില് പോയി. ഒളിവില് കഴിയുന്നതിനിടെ മുന്കൂര് ജാമ്യത്തിന് ശ്രമിച്ചെങ്കിലും കോടതി ജാമ്യാപേക്ഷ തള്ളുകയായിരുന്നു. കഴിഞ്ഞ ദിവസമാണ് പയ്യോളി പോലീസ് ഇയാളെ അറസ്റ്റ് ചെയ്തത്. വൈദ്യ പരിശോധന നടത്തിയ ശേഷം കോടതിയില് ഹാജരാക്കിയ പ്രതിയെ റിമാന്റ് ചെയ്തു.
