മധുര: തമിഴക വെട്രി കഴകം പാർട്ടിയുടെ രണ്ടാം സംസ്ഥാന സമ്മേളനത്തിനിടെ ആരാധകരോട് വിജയിയുടെ ബൗൺസർമാർ മോശമായി പെരുമാറിയെന്ന് പരാതി. ആരാധകനെ വേദിയിൽ നിന്ന് നിലത്തേക്കെറിഞ്ഞു എന്നാണ് പരാതി. അതേസമയം, മധുര സമ്മേളനത്തിൽ വിജയ്‌യുടെ സുരക്ഷാ ഉദ്യോഗസ്ഥർ ഗ്രനേഡ് എറിഞ്ഞുവെന്ന് ആരോപിച്ച് ശരത്കുമാർ എന്ന യുവാവ് പൊലീസിൽ പരാതി നൽകിയിട്ടുണ്ട്.
“ഉങ്കാഷ് വിജയ്…. നാൻ വരേൻ…” എന്ന ഗാനത്തോടെ വിജയ് വളണ്ടിയർമാരുടെ ഇടയിൽ വിജയ് ഒരു റാമ്പ് വാക്ക് നടത്തുകയും ആ സമയത്ത്, വിജയ്‌യുടെ അടുത്തേക്ക് വരികയായിരുന്ന വളണ്ടിയറെ സമീപത്തുള്ള ബൗൺസർമാർ തടഞ്ഞു. ആരാധകർക്ക് റാമ്പ് വാക്ക് സ്റ്റേജിൽ കയറാൻ കഴിയാത്തവിധം ഫെസ്റ്റിവൽ സംഘാടകർ ഇരുമ്പ് ബാറുകളിൽ ഗ്രീസ് പുരട്ടിയിരുന്നു.
നിയന്ത്രണങ്ങൾ മറികടന്ന് ബൗൺസർമാരുടെ മുകളിലൂടെ വേദിയിലേക്ക് ചാടി കയറിയ ആരാധകനെ ബൗൺസർമാരിൽ ഒരാൾ തള്ളിയിടുകയും തുടർന്ന് വീഴ്ച്ചയുടെ ആഘാതത്തിൽ ആരാധകന്റെ കാല് ഒടിയുകയും ചെയ്തു. പരിക്ക് പറ്റിയതിനാൽ എഴുന്നേക്കാൻ കഴിയാതെ നിലത്ത് കിടന്ന് കര‍ഞ്ഞപ്പോഴും ആരും ശ്രദ്ധിക്കുകയോ സഹായിക്കാൻ വരികയോ ചെയ്തില്ലെന്നും എല്ലാവരും വിജയ് സംസാരിക്കുന്നത് നോക്കി നിന്നു എന്നും പരാതിക്കാരൻ പറഞ്ഞു.
