ടാറ്റയുടെ ഏറ്റവും മികച്ച മോഡലുകളിൽ ഒന്നാണ് സഫാരി. ടാറ്റ മോട്ടോഴ്സിന്റെ ജനപ്രിയ എസ്യുവി. 14.66 ലക്ഷം മുതൽ എക്സ് ഷോറൂം വില വരുന്ന ബേസ് വേരിയന്റുകളിൽ തുടങ്ങി 25.96 ലക്ഷം രൂപ എക്സ്-ഷോറൂം വിലയുള്ള ടോപ് വേരിയന്റ് വരെയുള്ള സഫാരിക്ക് 1 ലക്ഷം രൂപ വരെ വില കുറഞ്ഞുവെന്നാണ് റിപ്പോർട്ടുകൾ പറയുന്നത്. ‘സഫാരി’ ഒരു സ്വപ്നമാണെങ്കിൽ വാങ്ങാൻ ഇതൊരു മികച്ച അവസരമാണ്.
ടാറ്റ സഫാരി (ഡീസൽ) 2024 മോഡലിലെ എല്ലാ വേരിയന്റുകൾക്കും 75,000 രൂപ വരെ ക്യാഷ് ഡിസ്കൗണ്ടും 25,000 രൂപ വരെ സ്ക്രാപ്പ് ബോണസും കമ്പനി വാഗ്ദാനം ചെയ്യുന്നു. അതായത് ടാറ്റ സഫാരി 2024 ഡീസൽ വേരിയന്റുകൾ നിങ്ങൾക്ക് 100,000 രൂപ വരെ വിലക്കുറവിൽ വാങ്ങാം. അതേസമയം 2025 സഫാരി ഡീസൽ ഓപ്ഷൻ ഉൾപ്പെടെ എല്ലാ പുതിയ വേരിയന്റുകൾക്കും 25,000 രൂപ ക്യാഷ് ഡിസ്കൗണ്ടും 50,000 രൂപ സ്ക്രാപ്പ് ബോണസും ടാറ്റ വാഗ്ദാനം ചെയ്യുന്നു. അതായത് 75,000 രൂപ വരെ ലാഭിക്കാൻ ഉപഭോക്താക്കൾക്ക് അവസരമുണ്ട്.
