നെല്ലിക്ക ഒരു സൂപ്പർഫുഡ് എന്ന് നിസംശയം പറയാവുന്നതാണ്. വൈറ്റമിൻ സി, ആന്റിഓക്സിഡന്റുകൾ, പോളിഫെനോൾസ്, ഫൈബർ എന്നിവയാൽ സമ്പുഷ്ടമാണവ. ദിവസവും ഒരു നെല്ലിക്ക കഴിച്ചാൽ ശരീരത്തിന് എന്ത് സംഭവിക്കുമെന്ന് അറിയാമോ?. രോഗപ്രതിരോധ ശേഷിയും ഹൃദയാരോഗ്യവും മുതൽ ദഹനവും ശരീര ഭാര നിയന്ത്രണവുംവരെ എണ്ണമറ്റ ആരോഗ്യ ഗുണങ്ങൾ ലഭിക്കും.
- രോഗപ്രതിരോധശേഷി വർധിപ്പിക്കും
വൈറ്റമിൻ സിയുടെ ഏറ്റവും മികച്ച ഉറവിടങ്ങളിൽ ഒന്നാണ് നെല്ലിക്ക. ഒരു നെല്ലിക്കയിൽ 600-700 മില്ലിഗ്രാം അടങ്ങിയിരിക്കുന്നു. വൈറ്റമിൻ സിയുടെ ഈ ഉയർന്ന അളവ് രോഗപ്രതിരോധശേഷി വർധിപ്പിക്കും. അണുബാധകളെയും രോഗങ്ങളെയും ചെറുക്കുന്നു. നെല്ലിക്കയിലെ ഫ്ലേവനോയ്ഡുകളുടെ സാന്നിധ്യം ഹൃദയാഘാതം, കാൻസർ, വൈറൽ അണുബാധകൾ എന്നിവയ്ക്കെതിരെ പോരാടും. നെല്ലിക്കയിലെ ആന്റിഓക്സിഡന്റുകൾ തലച്ചോറിനെ ഓക്സിഡേറ്റീവ് സമ്മർദത്തിൽ നിന്ന് സംരക്ഷിക്കുന്നതിലൂടെ മെമ്മറിയും വൈജ്ഞാനിക പ്രകടനവും മെച്ചപ്പെടുത്താൻ സഹായിക്കുന്നു.
ഹൃദയാരോഗ്യം
കൊളസ്ട്രോൾ, ട്രൈഗ്ലിസറൈഡുകൾ, വീക്കം എന്നിവയുടെ അളവ് നെല്ലിക്ക കുറയ്ക്കുന്നു. രക്തസമ്മർദം കുറയ്ക്കാൻ സഹായിക്കുന്നു, ഇവയെല്ലാം ഹൃദ്രോഗത്തിനുള്ള അപകട ഘടകങ്ങളാണ്. നെല്ലിക്ക രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. പ്രമേഹരോഗികളെ ഇത് സഹായിക്കും.
ചർമ്മത്തിന്റെയും മുടിയുടെയും ഭംഗി വർധിപ്പിക്കും
വൈറ്റമിൻ സിയുടെ സമ്പന്നമായ ഉറവിടമാണ് നെല്ലിക്ക. കൊളാജൻ ഉത്പാദനം കൂട്ടാനും അതിലൂടെ ചർമ്മത്തെ ആരോഗ്യമുള്ളതും തിളക്കമുള്ളതുമാക്കാനും വൈറ്റമിൻ സി സഹായിക്കും. നെല്ലിക്ക പതിവായി കഴിക്കുന്നത് തിളക്കമുള്ളതും ഉറപ്പുള്ളതുമായ ചർമ്മത്തിന് കാരണമാകും. മുടി ശക്തിപ്പെടുത്തുന്നതിനും മുടി കൊഴിച്ചിൽ തടയുന്നതിനും തലയോട്ടിയിലെ മൊത്തത്തിലുള്ള ആരോഗ്യം വർധിപ്പിക്കുന്നതിനും നെല്ലിക്ക ഗുണകരമാണ്. കാഴ്ച മെച്ചപ്പെടുത്തുന്നതിനും പ്രായവുമായി ബന്ധപ്പെട്ട മാക്കുലാർ ഡീജനറേഷൻ സാധ്യത കുറയ്ക്കുന്നതിനും സഹായിക്കുന്ന കരോട്ടിൻ നെല്ലിക്കയിൽ അടങ്ങിയിട്ടുണ്ട്.
ദഹനത്തെ സഹായിക്കും
നെല്ലിക്കയിലെ നാരുകൾ ദഹനാരോഗ്യം മെച്ചപ്പെടുത്തുകയും മലവിസർജ്ജനം പ്രോത്സാഹിപ്പിക്കുകയും മലബന്ധം തടയുകയും ചെയ്യുന്നു. നെല്ലിക്കയിലെ നാരുകൾ വയർ നിറഞ്ഞതായി തോന്നിപ്പിക്കുന്നു. ഇത് മൊത്തത്തിലുള്ള കലോറി ഉപഭോഗം കുറയ്ക്കാൻ സഹായിച്ചേക്കാം.
കരളിന്റെ പ്രവർത്തനത്തെ സഹായിക്കുന്നു
കരളിനെ കേടുപാടുകളിൽ നിന്ന് സംരക്ഷിക്കുകയും മൊത്തത്തിലുള്ള പ്രവർത്തനം മെച്ചപ്പെടുത്തുകയും ചെയ്യുന്ന കരൾ സംരക്ഷണ ഗുണങ്ങൾ നെല്ലിക്കയ്ക്കുണ്ട്.
