അത്യാവശ്യ ഘട്ടങ്ങളിൽ മറ്റുള്ളവരെ ആശ്രയിക്കാതെ കടം വാങ്ങുന്നതിന് വ്യക്തിഗത വായ്പകൾ സൗകര്യപ്രദമായ ഒരു മാർഗമാണ്. വ്യക്തികളുടെ അടിയന്തര പണ ആവശ്യങ്ങൾ നിറവേറ്റുന്നതിനാണ് ഇവ ഉപയോഗിക്കുന്നത്. കുറഞ്ഞ ഡോക്യുമെന്റേഷൻ, വേഗത്തിലുള്ള വിതരണം, അപേക്ഷകൾ ഓൺലൈനായി സമർപ്പിക്കാനുള്ള സൗകര്യം എന്നിവയാണ് വ്യക്തിഗത വായ്പകളുടെ പ്രധാന നേട്ടങ്ങൾ.
എന്നിരുന്നാലും, വിവിധ കാരണങ്ങളാൽ വ്യക്തിഗത വായ്പാ അപേക്ഷകൾ നിരസിക്കപ്പെടാൻ സാധ്യതയുണ്ട്. ഒരു വ്യക്തിഗത വായ്പ അപേക്ഷിക്കുന്നതിനു മുൻപ് യോഗ്യതാ മാനദണ്ഡങ്ങൾ, നിർബന്ധമായും ഉണ്ടായിരിക്കേണ്ട കാര്യങ്ങൾ എന്നിവ വ്യക്തമായി മനസിലാക്കേണ്ടതുണ്ട്. വ്യക്തിഗത വായ്പ അപേക്ഷ നിരസിക്കുന്നതിനുള്ള അഞ്ച് കാരണങ്ങൾ എന്തൊക്കെയാണെന്ന് നോക്കാം.
- ക്രെഡിറ്റ് സ്കോർ, വരുമാന ഘടകങ്ങൾ
വായ്പാ സ്ഥാപനങ്ങൾ സാധാരണയായി അപേക്ഷകർക്ക് 750 അല്ലെങ്കിൽ അതിൽ കൂടുതൽ ക്രെഡിറ്റ് സ്കോർ ഉണ്ടായിരിക്കാൻ ആവശ്യപ്പെടുന്നു. വ്യക്തിഗത വായ്പകൾ, ക്രെഡിറ്റ് കാർഡുകൾ, ഭവന വായ്പകൾ എന്നിവ വേഗത്തിൽ ക്ലിയറൻസ് ചെയ്യാൻ അത്തരമൊരു സ്കോർ സഹായിക്കും. വായ്പയ്ക്ക് അപേക്ഷിക്കുന്നവർക്ക് ക്രെഡിറ്റ് സ്കോർ കുറവാണെങ്കിൽ അവരുടെ അപേക്ഷകൾ പലപ്പോഴും നിരസിക്കപ്പെടാറുണ്ട്.
നിരവധി വായ്പാ സ്ഥാപനങ്ങൾക്ക് മിനിമം വരുമാന പരിധികളുണ്ട്. ഇവ പ്രതിമാസം 25,000 അല്ലെങ്കിൽ 30,000 എന്ന കുറഞ്ഞ ശമ്പളമോ ആയിരിക്കും. അതുകൊണ്ടാണ് കടം വാങ്ങുന്നവർ അടിസ്ഥാന യോഗ്യതാ മാനദണ്ഡങ്ങൾ പാലിക്കാത്ത സന്ദർഭങ്ങളിൽ അപേക്ഷകൾ നിരസിക്കപ്പെടുന്നത്.
- തൊഴിൽ, കടബാധ്യത
നിങ്ങൾ ഇടയ്ക്കിടെ ജോലി മാറുന്ന ആളാണെങ്കിൽ, കുറഞ്ഞ കാലാവധിയുള്ള അസൈൻമെന്റുകൾ ഇടയ്ക്ക് വയ്ക്കുന്ന ആളാണെങ്കിൽ, ഇത് നിങ്ങളുടെ ക്രെഡിറ്റ് പ്രൊഫൈലിൽ വളരെ മോശമായി പ്രതിഫലിക്കും. ഇത്തരം പെരുമാറ്റം കാരണം, നിരവധി വായ്പാദാതാക്കൾ വായ്പാ അപേക്ഷകൾ നിരസിക്കുന്നു. വായ്പ കുടിശ്ശികകൾ, ഒന്നിലധികം ക്രെഡിറ്റ് കാർഡ് അല്ലെങ്കിൽ വ്യക്തിഗത വായ്പ പേയ്‌മെന്റുകൾ എന്നിവയുടെ ഫലമായി വളരെ ഉയർന്ന കടം-വരുമാന അനുപാതം വ്യക്തിഗത വായ്പാ അപേക്ഷകൾ നിരസിക്കുന്നതിന് കാരണമാകും.
- ഡോക്യുമെന്റേഷനും ആപ്ലിക്കേഷൻ പ്രശ്നങ്ങളും
പേരിലെ തെറ്റുകൾ, തെറ്റായ പാൻ അല്ലെങ്കിൽ ആധാർ വിശദാംശങ്ങൾ എന്നിവ പോലുള്ള തെറ്റായി പൂരിപ്പിച്ച രേഖകൾ വ്യക്തിഗത വായ്പാ അപേക്ഷകൾ നിരസിക്കുന്നതിന് കാരണമാകും. കടം വാങ്ങുന്നയാളുടെ ഐഡന്റിറ്റി സംബന്ധിച്ച് സംശയമോ അനിശ്ചിതത്വമോ ഉണ്ടാകുമ്പോൾ വായ്പ നൽകുന്നവർ അപേക്ഷകൾ നിരസിക്കുന്നു.
- പ്രായവും യോഗ്യതാ മാനദണ്ഡങ്ങളും
ബാങ്കുകളും വായ്പാ സ്ഥാപനങ്ങളും പലപ്പോഴും കുറഞ്ഞതും കൂടിയതുമായ പ്രായപരിധികളും ബാറുകളും ഏർപ്പെടുത്തുന്നു. ഇത്തരം കാര്യങ്ങൾ വ്യക്തിഗത വായ്പ അപേക്ഷകൾ നിരസിക്കപ്പെടുന്നതിന് കാരണമാകും.
- മോശം ക്രെഡിറ്റ് ചരിത്രം
നല്ലൊരു ക്രെഡിറ്റ് ചരിത്രം ഇല്ലാത്തത് മികച്ച ക്രെഡിറ്റ് യോഗ്യത പ്രകടിപ്പിക്കുന്നത് ബുദ്ധിമുട്ടാക്കുന്നു. ഇത് അപേക്ഷ നിരസിക്കുന്നതിലേക്ക് നയിച്ചേക്കാം.
