വ്യക്തിഗത വായ്പയായാലും ഭവന വായ്പയായാലും അത് ലഭിക്കുന്നതിന്, വായ്പ നൽകുന്നവർക്ക് ശരിയായ രേഖകൾ നൽകണം. നിങ്ങൾക്ക് വായ്പ തിരിച്ചടയ്ക്കാൻ കഴിയുമെന്ന് ബാങ്കുകൾക്ക് തൃപ്തിപ്പെട്ടാൽ മാത്രമേ വായ്പ ലഭിക്കുകയുള്ളൂ. ഇതിനായി, സാലറി സ്ലിപ്പ്, വിലാസം തെളിയിക്കുന്നതിനുള്ള രേഖകൾ, തിരിച്ചറിയൽ രേഖകൾ, വർക്ക് ഐഡി എന്നിവ കാണിക്കാൻ അവർ നിങ്ങളോട് ആവശ്യപ്പെട്ടേക്കാം.
ഒരു വ്യക്തിഗത വായ്പ ലഭിക്കുന്നതിന് ആവശ്യമായ പ്രധാന രേഖകൾ ഓരോ വായ്പാ ദാതാവിനും (ഒരു ബാങ്കോ ഫിൻടെക് പ്ലാറ്റ്‌ഫോമോ ആകട്ടെ) വായ്പ ആവശ്യമായ വ്യക്തിയുടെ തൊഴിൽ തരത്തിനും അനുസരിച്ച് (ശമ്പളക്കാരനോ സ്വയം തൊഴിൽ ചെയ്യുന്നവനോ ആകട്ടെ) അൽപം വ്യത്യാസം വരാം. മിക്ക ബാങ്കുകൾക്കും വായ്പ പ്രോസസ്സ് ചെയ്യുന്നതിന് കുറഞ്ഞ പേപ്പർവർക്കുകൾ മാത്രമേ ആവശ്യമുള്ളൂ, പ്രത്യേകിച്ച് കറന്റ് അക്കൗണ്ട് ഉടമകൾക്ക്. വായ്പ ലഭിക്കാനായി ആവശ്യമായ രേഖകൾ ഇവയാണ്.
ശമ്പളക്കാരായ വ്യക്തികൾക്ക്
- തിരിച്ചറിയൽ രേഖ (KYC): പെർമനന്റ് അക്കൗണ്ട് നമ്പർ (പാൻ) കാർഡ്, ആധാർ കാർഡ്, പാസ്‌പോർട്ട്, വോട്ടർ ഐഡി, ഡ്രൈവിംഗ് ലൈസൻസ്
- മേൽവിലാസ തെളിവ്: ആധാർ കാർഡ്, പാസ്‌പോർട്ട്, യൂട്ടിലിറ്റി ബിൽ (വൈദ്യുതി/ഗ്യാസ്, 3 മാസത്തിൽ കൂടുതൽ പഴക്കമില്ലാത്തത്), വാടക കരാർ
- വരുമാന തെളിവ്: കഴിഞ്ഞ മൂന്ന് മാസത്തെ സാലറി സ്ലിപ്പുകൾ, ഫോം 16 അല്ലെങ്കിൽ ഏറ്റവും പുതിയ ഐടിആർ (ആദായ നികുതി റിട്ടേൺ)
- ബാങ്ക് സ്റ്റേറ്റ്മെന്റ്: ശമ്പള അക്കൗണ്ടിൽ നിന്നുള്ള കഴിഞ്ഞ 3 മുതൽ 6 മാസത്തെ സ്റ്റേറ്റ്മെന്റുകൾ
- തൊഴിൽ തെളിവ്: തൊഴിലുടമ നൽകിയ തിരിച്ചറിയൽ കാർഡും നിയമന കത്തും.
സ്വയംതൊഴിൽ ചെയ്യുന്ന വ്യക്തികൾക്ക്
- തിരിച്ചറിയൽ രേഖയും വിലാസ രേഖയും (KYC): പെർമനന്റ് അക്കൗണ്ട് നമ്പർ (പാൻ) കാർഡ്, ആധാർ കാർഡ്, പാസ്‌പോർട്ട്, വോട്ടർ ഐഡി, ഡ്രൈവിംഗ് ലൈസൻസ് (പാൻ, ആധാർ എന്നിവ നിർബന്ധിത രേഖകളാണ്)
- വരുമാന തെളിവ്: കഴിഞ്ഞ 2 മുതൽ 3 വർഷത്തെ ഐടിആർ, ലാഭനഷ്ട (P&L) സ്റ്റേറ്റ്മെന്റ്, ബാലൻസ് ഷീറ്റ് എന്നിവ ഉൾപ്പെടുന്ന വരുമാന തെളിവും വായ്പ നൽകുന്നയാൾ സാധാരണയായി ആവശ്യപ്പെടാറുണ്ട്.
- ബാങ്ക് സ്റ്റേറ്റ്മെന്റ്: കഴിഞ്ഞ 6 മുതൽ 12 മാസത്തെ ബാങ്ക് സ്റ്റേറ്റ്മെന്റ്.
- ബിസിനസ് തെളിവ്: ജിഎസ്ടി രജിസ്ട്രേഷൻ, ഷോപ്പ് ആക്ട് ലൈസൻസ്, അല്ലെങ്കിൽ പാർട്നർഷിപ് പത്രം
