2017 ലെ ഹിറ്റ് കോമഡി ചിത്രമായ “ഗേൾസ് ട്രിപ്പ് ” രണ്ടാം ഭാഗം ഒരുങ്ങുന്നു. നടി ടിഫാനി ഹാഡിഷ് ആണ് ആരാധകർക്കായി ആ സന്തോഷം നിറഞ്ഞ വിവരം പങ്കു വെച്ചത്.
“നമ്മൾ എവിടേക്കാണ് പോകുന്നതെന്ന് കൃത്യമായി എനിക്കറിയില്ല, പക്ഷേ അത് എവിടെയോ അസാധാരണമാണെന്നും നമ്മൾ സാധാരണയായി പോകാത്ത എവിടെയോ ആണെന്നും എനിക്കറിയാം, പക്ഷേ നമ്മൾ കഴിയുന്നത്ര പോകണം,” എന്നാണ് ടിഫാനി ഒരു പുതിയ അഭിമുഖത്തിൽ പറഞ്ഞത്. ഈ വേനൽക്കാലത്ത് നമ്മൾ ഷൂട്ടിംഗ് ആരംഭിക്കണം എന്നും നടി കൂട്ടിച്ചേർത്തു.
കഴിഞ്ഞ വർഷം, ഗേൾസ് ട്രിപ്പിന്റെ ഒരു തുടർഭാഗത്തെ കുറിച്ച് ചർച്ച ആരംഭിച്ചിരുന്നെന്നും അടുത്ത ഭാഗത്തിനുള്ള തിരക്കഥ തയ്യാറായെന്നും നിർമ്മാതാവ് വിൽ പാക്കർ വെളിപ്പെടുത്തി. “യഥാർത്ഥത്തിൽ ഞങ്ങൾ ഒരു വിദേശ ഭാഷയിൽ സിനിമ ചെയ്യാൻ നോക്കുകയാണ് – എനിക്ക് ഇപ്പോൾ അത് വെളിപ്പെടുത്താൻ കഴിയില്ല, പക്ഷേ എന്റെ കൈയ്യിൽ ഒരു തിരക്കഥയുണ്ട്,” എന്നാണ് അദ്ദേഹം പറഞ്ഞത്.
ടിഫാനി ഹാഡിഷിന് പുറമേ, അഭിനേതാക്കളായ ക്വീൻ ലത്തീഫ, ജാഡ പിങ്കറ്റ് സ്മിത്ത്, റെജീന ഹാൾ എന്നിവർ അവരുടെ വേഷങ്ങൾ വീണ്ടും അവതരിപ്പിക്കുമെന്നും, ഒരു പക്ഷെ പുതിയ സുഹൃത്തുക്കൾ ഈ കൂട്ടുകെട്ടിലേക്ക് വന്നേക്കുമെന്നും വിൽ പാക്കർ പറഞ്ഞു.
കെനിയ ബാരിസും ട്രേസി ഒലിവറും ചേർന്ന് രചിച്ച് മാൽക്കം ഡി ലീ സംവിധാനം ചെയ്ത “ഗേൾസ് ട്രിപ്പ്”, എസെൻസ് മ്യൂസിക് ഫെസ്റ്റിവലിൽ പങ്കെടുക്കാൻ ന്യൂ ഓർലിയൻസ് യാത്രയ്ക്കിടെ തങ്ങളുടെ സൗഹൃദം പുനരുജ്ജീവിപ്പിക്കുന്ന നാല് സ്ത്രീകളുടെ യാത്രയാണ് പറയുന്നത്. 19 മില്യൺ ഡോളർ ബജറ്റിൽ ചെയ്ത പടം ബോക്സ് ഓഫീസിൽ 140 മില്യൺ ഡോളർ നേടി. ഒരു ആഫ്രിക്കൻ-അമേരിക്കൻ വനിതാ തിരക്കഥാകൃത്ത് എഴുതിയ ഒരു ചിത്രം ബോക്സ് ഓഫീസിൽ 100 മില്യൺ ഡോളർ കടന്നതും ഇതാദ്യമായിരുന്നു.
ഈ ചിത്രത്തിൽ കോമൺ, എസ്റ്റെല്ലെ, നെ-യോ, മോറിസ് ചെസ്റ്റ്നട്ട്, അവാ ഡുവെർണേ, ഫെയ്ത്ത് ഇവാൻസ്, മരിയ കാരി തുടങ്ങിയവരുടെ കിടിലൻ അതിഥി വേഷങ്ങളും ഉണ്ടായിരുന്നു. എന്തായാലൂം ആരാധകർ ആവേശത്തിലാണ്. ഗേൾസ് ട്രിപ്പിന് നിഷേധിക്കാനാവാത്ത ഒരു ഊർജ്ജമുണ്ട്. അത് രണ്ടാം ഭാഗത്തിലും ആവർത്തിക്കുമോ എന്നാണ് ഇനി കണ്ടറിയേണ്ടത്.
