തിരുവനന്തപുരം: കേരള ഫൈബർ ഒപ്റ്റിക് നെറ്റ്‌വർക് ലിമിറ്റഡിൽ (KFON) അവസരങ്ങൾ. ഡിസ്ട്രിക്ട് ടെലികോം എക്സിക്യൂട്ടീവ് തസ്തികയിലേക്ക് അപേക്ഷകൾ ക്ഷണിച്ചു. തസ്തികയിലേക്ക് മൂന്ന് ഒഴിവുകളാണ് ഉള്ളത്. കരാർ അടിസ്ഥാനത്തിലാണ് നിയമനം നടത്തുക.
ബിഇ/ബിടെക് (ഇസിഇ/ഇഇഇ/ഇഐഇ) ബിരുദത്തിൽ 60 ശതമാനം മാർക്കോടെ പാസായിരിക്കണം എന്നതാണ് അപേക്ഷിക്കാനുള്ള യോഗ്യത. അപേക്ഷകർക്ക് ഈ മേഖലയിൽ കുറഞ്ഞത് മൂന്ന് വർഷത്തെ പ്രവർത്തി പരിചവും നിർബന്ധമാണ്. 30,000 രൂപ വരെയാണ് ശമ്പളം. അതിനൊപ്പം 10,000 വരെ ഇൻസന്റീവും ലഭിക്കും. 40 വയസ്സാണ് അപേക്ഷിക്കാനുള്ള കൂടിയ പ്രായപരിധി. ഒക്ടോബർ 29 വരെ അപേക്ഷകൾ ഓൺലൈനായി സമർപ്പിക്കാം. അപേക്ഷകൾ സംബന്ധിച്ചുള്ള കൂടുതൽ വിവരങ്ങൾക്ക് കെഫോണിന്റെ ഔദ്യോഗിക വെബ്സൈറ്റായ www.cmd.kerala.gov.in സന്ദർശിക്കുക.
