മുംബൈ: ഇന്ത്യൻ റെയിൽവേയിൽ അപ്രന്റീസ്ഷിപ്പ് അവസരം. സെൻട്രൽ റെയിൽവേയുടെ ഭാഗമായി മുംബൈ, പുണെ, ഭൂസാവൾ, നാഗ്പുർ, സോളാപുർ എന്നീ ക്ലസ്റ്ററുകളിലെ വിവിധ വർക്‌ഷോപ്പ്/യൂണിറ്റുകളിലേക്ക് ആണ് നിയമനം നടത്തുന്നത്. 2418 ഒഴിവുകളിലേക്കുള്ള അപ്രന്റീസ്ഷിപ്പിന്റെ ഒരു വർഷമാണ് പരിശീലന കാലാവധി.
ഫിറ്റർ, വെൽഡർ, കാർപ്പെൻഡർ, പെയിന്റർ (ജനറൽ), ടെയ്‌ലർ (ജനറൽ), ഇലക്‌ട്രീഷ്യൻ, മെഷീനിസ്റ്റ്, പ്രോഗ്രാമിങ് ആൻഡ് സിസ്റ്റം അഡ്മിനിസ്‌ട്രേഷൻ അസിസ്റ്റന്റ്, മെക്കാനിക് ഡീസൽ, ടർണർ, വെൽഡർ (ഗ്യാസ് ആൻഡ് ഇലക്‌ട്രിക്‌), ഇൻസ്ട്രുമെന്റ് മെക്കാനിക്ക്, ലബോറട്ടറി അസിസ്റ്റന്റ് (സിപി), ഇലക്‌ട്രോണിക് മെക്കാനിക്, ഷീറ്റ് മെറ്റൽ വർക്കർ, മെക്കാനിക് മെഷീൻ ടൂൾസ് മെയിന്റനൻസ്, കംപ്യൂട്ടർ ഓപ്പറേറ്റർ ആൻഡ് പ്രോഗ്രാം അസിസ്റ്റന്റ്, മോട്ടോർ വെഹിക്കിൾ മെക്കാനിക്, ഇൻഫർമേഷൻ ടെക്‌നോളജി ആൻഡ് ഇലക്‌ട്രോണിക് സിസ്റ്റം മെയിന്റനൻസ് തുടങ്ങിയ ട്രേഡുകളിലേക്കാണ് അപ്രന്റീസുകളെ വിളിച്ചിരിക്കുന്നത്.
മെട്രിക്കുലേഷൻ, അതാത് ട്രേഡുകളുടെ ഐടിഐ മാർക്ക് എന്നിവയുടെ അടിസ്ഥാനത്തിലാണ് യോഗ്യത തീരുമാനിക്കുക. www.rrccr.com വഴിയാണ് അപേക്ഷകൾ സമർപ്പിക്കേണ്ടത്. ട്രേഡുകൾ തിരിച്ചുള്ള ഒഴിവ് വിജ്ഞാപനത്തിൽ നൽകിയിട്ടുണ്ട്. സെപ്റ്റംബർ 11ന് ആണ് അപേക്ഷകൾ സമർപ്പിക്കാനുള്ള അവസാന തീയതി. അപേക്ഷിക്കുന്നതിനും വിശദ വിവരങ്ങൾക്കായും www.rrccr.com സന്ദർശിക്കുക.
