മുംബൈ: പ്രമുഖ മീഡിയ കണ്‍സല്‍ട്ട് സ്ഥാപനമായ ഓര്‍മാക്സ് മീഡിയ ഇന്ത്യയില്‍ ജനപ്രീതിയില്‍ മുന്നിലുള്ള ഇന്ത്യൻ നായികാ താരങ്ങളുടെ പുതിയ പട്ടിക പുറത്തുവിട്ടു. ഒന്നാം സ്ഥാനം തെന്നിന്ത്യൻ താരം സാമന്തയാണ് രണ്ടാമതായി ആലിയ ഭട്ട് തുടരുന്നു.
മൂന്നാം സ്ഥാനത്തും പട്ടികയില്‍ ഇടംനേടിയിരിക്കുന്നത് തെന്നിന്ത്യൻ താരമായ കാജല്‍ അഗര്‍വാളാണ്. നാലാം സ്ഥാനത്ത് രശ്‍മിക മന്ദാനയാണ്. അഞ്ചാമത് തമിഴ് താരം തൃഷയാണ്. ആറാം സ്ഥാനത്ത് ബോളിവുഡിലെ മുൻനിര താരം ദീപിക പദുക്കോണാണ്. ഏഴാം സ്ഥാനത്ത് മലയാളികളുടെയും പ്രിയ താരമായ സായ് പല്ലവിയാണ്. എട്ടാമത് മലയാളി നടിയായ നയൻതാരയാണ്. ഒമ്പതാം സ്ഥാനത്ത് പുത്തൻ സെൻസേഷൻ താരമായ ശ്രീലീലയാണ്. പത്താമത് തമിഴകത്തിന്റെ തമന്ന ഭാട്ടിയയാണ്.
പാൻ ഇന്ത്യൻ ചിത്രങ്ങളിലൂടെ രാജ്യമൊട്ടാകെ ശ്രദ്ധയാകര്‍ഷിക്കാൻ തെന്നിന്ത്യൻ താരങ്ങള്‍ക്ക് കഴിയുന്നു എന്നതാണ് പട്ടികയിൽ സ്ഥാനം നിലനിർത്താൻ കഴിന്നതിന് പ്രധാന കാരണമായി ചൂണ്ടിക്കാട്ടുന്നത്. മാത്രവുമല്ല തുടര്‍ച്ചയായി സിനിമകള്‍ ചെയ്യുന്നു എന്നതും തെന്നിന്ത്യൻ താരങ്ങള്‍ക്ക് അനുകൂല ഘടകമാണ്. കൂടാതെ സാമൂഹ്യ മാധ്യമങ്ങളില്‍ നിറഞ്ഞുനില്‍ക്കാനും തെന്നിന്ത്യൻ താരങ്ങള്‍ക്കാകുന്നു എന്നത് അവരുടെ റീച്ച് വര്‍ദ്ധിപ്പിക്കുന്നു.
