രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന്, ആദ്യം ചെയ്യേണ്ടത് പഞ്ചസാരയുടെ അളവ് വർധിപ്പിക്കുന്നതിന് കാരണമാകുന്ന എല്ലാ മധുരപലഹാരങ്ങളും ഒഴിവാക്കുക എന്നതാണ്. ആ കൂട്ടത്തിൽ പെടുന്ന ഒന്നാണ് ചോക്ലേറ്റ് കേക്ക്. എന്നാൽ, ചിലപ്പോൾ ആരോഗ്യകരമായ ഭക്ഷണങ്ങളിലും മറഞ്ഞിരിക്കുന്ന ചില ഘടകങ്ങൾ ബ്ലഡ് ഷുഗർ ഉയർത്താം.
ന്യൂജഴ്സി ആസ്ഥാനമായുള്ള എൻഡോക്രൈനോളജിസ്റ്റ് ഡോ.അലസിയ റോനെൽറ്റ്, ചോക്ലേറ്റ് കേക്കിനേക്കാൾ വേഗത്തിൽ രക്തത്തിലെ പഞ്ചസാര വർധിപ്പിക്കുന്ന 3 ജനപ്രിയ അത്താഴ ഭക്ഷണങ്ങളെക്കുറിച്ച് പറഞ്ഞിട്ടുണ്ട്. രക്തത്തിലെ പഞ്ചസാരയുടെ അളവ് ബാലൻസ് ആക്കുക എന്നത് മധുരപലഹാരങ്ങൾ ഒഴിവാക്കുക മാത്രമല്ല, എല്ലാ ഭക്ഷണത്തിലും അന്നജത്തിന്റെ അളവ് സന്തുലിതമാക്കുക എന്നതാണെന്ന് ഡോ. അലസിയ ഓർമ്മിപ്പിച്ചു.
- ഇൻസ്റ്റന്റ് വൈറ്റ് റൈസ്
ഇൻസ്റ്റന്റ് വൈറ്റ് റൈസ് രക്തത്തിലെ പഞ്ചസാര വേഗത്തിൽ വർധിപ്പിക്കുന്നു. ഈ അരി മുൻകൂട്ടി പാകം ചെയ്ത് ഉണക്കിയതാണ്, ഇത് അന്നജത്തിന്റെ ഘടനയെ തകർക്കുന്നു. ശരീരം ഗ്ലൂക്കോസ് പോലെ വേഗത്തിൽ ഇത് ആഗിരണം ചെയ്യുന്നു. ഇവയ്ക്കു പകരം പ്രതിരോധശേഷിയുള്ള അന്നജം അടങ്ങിയ ജാസ്മിൻ റൈസ് പോലുള്ള എന്തെങ്കിലും പരീക്ഷിക്കുക, അല്ലെങ്കിൽ ക്വിനോവ പോലുള്ള എന്തെങ്കിലും പരീക്ഷിക്കുക.
- മാഷ്ഡ് പൊറ്റാറ്റോ
സൈഡ് ഡിഷ് ആയി ഉപയോഗിക്കാവുന്ന ഒരു വിഭവമാണിത്. എന്നാൽ, ഇവ രക്തത്തിലെ പഞ്ചസാരയുടെ അളവ് വർധിപ്പിക്കും. ഇവയ്ക്കു പകരം റോസ്റ്റ് ചെയ്ത ഉരുളക്കിഴങ്ങ് കഴിക്കുക.
- വൈറ്റ് ബ്രെഡ്
ലഘുവായ ഒരു അത്താഴ ഓപ്ഷൻ തിരയുന്നവർ പലപ്പോഴും ഒരു സാൻഡ്വിച്ച് തിരഞ്ഞെടുക്കാറുണ്ട്. എന്നാൽ, സാൻഡ്വിച്ച് തയ്യാറാക്കുന്നതിന് ഉപയോഗിക്കുന്ന വൈറ്റ് ബ്രെഡ് രക്തത്തിലെ പഞ്ചസാരയുടെ അളവ് ഉയർത്തും. അവയ്ക്കു പകരം ധാന്യങ്ങൾ കൊണ്ടുള്ള ബ്രെഡ് കഴിക്കുക.
