ന്യൂഡൽഹി: ഇന്ന് മുതൽ യുപിഐ പരിധികൾ മാറുകയാണ്. നാഷണല് പേയ്മെന്റ്സ് കോര്പ്പറേഷന് ഓഫ് ഇന്ത്യയാണ് യുപിഐ ഇടപാടുകളുടെ പരിധി ഉയര്ത്തിയിരിക്കുന്നത്. പുതിയ പരിധി അനുസരിച്ച്, തിരഞ്ഞെടുത്ത വ്യാപാരികള്ക്ക് ഒരു ദിവസം 10 ലക്ഷം രൂപ വരെ യുപിഐ വഴി കൈകാര്യം ചെയ്യാനാകും. വ്യക്തികള് തമ്മിലുള്ള ഇടപാടുകളുടെ പരിധി 1 ലക്ഷമായി തുടരും. ബാങ്കുകള്ക്ക് അവരുടെ റിസ്ക് മാനേജ്മന്റ് നയങ്ങള് അനുസരിച്ച് കുറഞ്ഞ പരിധി നിശ്ചയിക്കാം.
യുപിഐ പരിധിയിലെ പ്രധാന മാറ്റങ്ങള്
സ്വര്ണാഭരണങ്ങള് വാങ്ങുന്നതിനുള്ള ഇടപാട് പരിധി 1 ലക്ഷത്തില് നിന്ന് 2 ലക്ഷമായും പ്രതിദിന പരിധി 6 ലക്ഷമായും വര്ധിച്ചു. ഇനി മുതൽ വായ്പ തിരിച്ചടവ്, ഇഎംഐ എന്നിവയ്ക്ക് ഓരോ ഇടപാടിനും5 ലക്ഷം രൂപ വരെയും പ്രതിദിന പരിധി 10 ലക്ഷം വരെയും ആയിരിക്കും. യാത്രാ ടിക്കറ്റുകള് ഉള്പ്പെടെയുള്ള ഇടപാടുകളുടെ പരിധി 1 ലക്ഷത്തില് നിന്ന് 5 ലക്ഷമായി ഉയര്ത്തി. ഒരു ദിവസം 10 ലക്ഷം രൂപ വരെ ഇടപാട് നടത്താം.
ക്രെഡിറ്റ് കാര്ഡ് ബില്ലുകള് ഓരോ ഇടപാടിനും 5 ലക്ഷം രൂപ വരെ അടയ്ക്കാം. പ്രതിദിന പരിധി 6 ലക്ഷമാണ്. മൂലധന വിപണിയിലെ നിക്ഷേപങ്ങള്ക്കും ഇന്ഷുറന്സ് പ്രീമിയം അടയ്ക്കുന്നതിനും ഓരോ ഇടപാടിനും ഉള്ള പരിധി 2 ലക്ഷമായിരുന്നത് 5 ലക്ഷമാക്കി ഉയര്ത്തി. ഒരു ദിവസം പരമാവധി 10 ലക്ഷം രൂപ വരെ ഇടപാട് നടത്താം. സര്ക്കാര് ഇ-മാര്ക്കറ്റ് പ്ലേസ് ഇടപാടുകള്, നികുതി അടയ്ക്കല് തുടങ്ങിയവയുടെ പരിധി ഓരോ ഇടപാടിനും 1 ലക്ഷത്തില് നിന്നും 5 ലക്ഷമാക്കി വര്ധിപ്പിച്ചു.
