മുംബൈ: ജിംനിക്കു വീണ്ടും കിഴിവുകളുടെ പൂരം ! മാരുതി സുസുക്കി ഇന്ത്യ ജിംനി എസ്‍യുവിക്ക് ജിഎസ്ടി കിഴിവു കൂടാതെ ഒരു ലക്ഷം രൂപയുടെ വിലക്കിഴിവും പ്രഖ്യാപിച്ചു. കമ്പനി നേരിട്ട് ക്യാഷ് ഡിസ്‌കൗണ്ടായിട്ടാണ് ഈ ആനുകൂല്യം നൽകുന്നത്. കൂടാതെ സ്ക്രാച്ച് കാർഡുകളിൽ നിന്ന് 50,000 രൂപ നേടാനുള്ള അവസരവും ഉപഭോക്താക്കൾക്ക് ലഭിക്കും.
എന്നാൽ എക്സ്ചേഞ്ച്, സ്ക്രാപ്പേജ് പോലുള്ള ബോണസുകൾ ഈ കാറിൽ ലഭ്യമാകില്ല എന്ന് കമ്പനി വ്യക്തമാക്കി. ജിംനിയുടെ ആൽഫ വേരിയന്റിൽ മാത്രമാണ് ഈ കിഴിവ് നൽകുന്നത്. നിലവിൽ ജിംനിയുടെ എക്സ്-ഷോറൂം വില 12.76 ലക്ഷം മുതൽ 14.96 ലക്ഷം രൂപ വരെയാണ്. ഇത് മാത്രമല്ല, സെപ്റ്റംബർ 22 മുതൽ പ്രാബല്യത്തിൽ വരുന്ന പുതിയ ജിഎസ്ടി സ്ലാബിന്റെ ആനുകൂല്യവും ഉപഭോക്താക്കൾക്ക് ലഭിക്കും. കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.
1.5 ലിറ്റർ ഫോർ-സിലിണ്ടർ K15B മൈൽഡ്-ഹൈബ്രിഡ് പെട്രോൾ എഞ്ചിനാണ് ജിംനിക്ക് കരുത്ത് പകരുന്നത്. ഈ എഞ്ചിൻ പരമാവധി 105 bhp പവർ ഔട്ട്‌പുട്ടും 134 Nm പീക്ക് ടോർക്കും ഉത്പാദിപ്പിക്കുന്നു. ഇത് 5-സ്പീഡ് MT അല്ലെങ്കിൽ 4-സ്പീഡ് AT ട്രാൻസ്മിഷനുമായി ഘടിപ്പിച്ചിരിക്കുന്നു. ഇലക്ട്രിക്കലി ക്രമീകരിക്കാവുന്ന ഓആർവിഎമ്മുകൾ, വാഷറുള്ള ഫ്രണ്ട്, റിയർ വൈപ്പർ, ഡേ ആൻഡ് നൈറ്റ് ഐആർവിഎം, പിഞ്ച് ഗാർഡുള്ള ഡ്രൈവർ-സൈഡ് പവർ വിൻഡോ ഓട്ടോ അപ്/ഡൗൺ, റീക്ലിനബിൾ ഫ്രണ്ട് സീറ്റുകൾ, മൗണ്ടഡ് കൺട്രോളുകളുള്ള മൾട്ടിഫങ്ഷണൽ സ്റ്റിയറിംഗ് വീൽ, ടിഎഫ്‍ടി കളർ ഡിസ്‌പ്ലേ, ഫ്രണ്ട്, റിയർ സീറ്റ് ക്രമീകരിക്കാവുന്ന ഹെഡ്‌റെസ്റ്റുകൾ, ഫ്രണ്ട്, റിയർ വെൽഡഡ് ടോ ഹുക്കുകൾ തുടങ്ങിയ സവിശേഷതകൾ ഇതിലുണ്ട്.
സുരക്ഷയ്ക്കായി, സ്റ്റാൻഡേർഡ് ഡ്യുവൽ ഫ്രണ്ട് എയർബാഗുകൾ, സൈഡ് ആൻഡ് കർട്ടൻ എയർബാഗുകൾ, ബ്രേക്ക് ലിമിറ്റഡ് സ്ലിപ്പ് ഡിഫറൻഷ്യൽ, ഇബിഡിയുള്ള ആന്റി-ലോക്ക് ബ്രേക്കുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം, ഹിൽ ഹോൾഡ് കൺട്രോൾ, ഹിൽ ഡിസന്റ് കൺട്രോൾ, റിവേഴ്‌സ് പാർക്കിംഗ് ക്യാമറ, സൈഡ്-ഇംപാക്ട് ഡോർ ബീം, എഞ്ചിൻ ഇമ്മൊബിലൈസർ, ത്രീ പോയിന്റ് എമർജൻസി ലോക്കിംഗ് റിട്രാക്ടർ സീറ്റ് ബെൽറ്റ് തുടങ്ങിയ സവിശേഷതകൾ ജിംനിക്ക് ലഭിക്കുന്നു. എല്ലാ വകഭേദങ്ങളിലും സ്റ്റാൻഡേർഡായി ആറ് എയർബാഗുകൾ, ഹിൽ-ഹോൾഡ്, ഡിസന്റ് കൺട്രോൾ, ഇഎസ്പി, ഇബിഡി സഹിതം എബിഎസ് എന്നിവ ഓഫ്-റോഡ്, ഓൺ-റോഡ് സുരക്ഷ ഉറപ്പാക്കുന്നു.
ഇതിന്റെ ലോ-റേഞ്ച് ട്രാൻസ്ഫർ ഗിയർ (ALLGRIP PRO) ദുഷ്‌കരമായ ഭൂപ്രദേശങ്ങളിൽ അനായാസ യാത്രക്ക് സഹായിക്കുന്നു. മാനുവൽ, ഓട്ടോമാറ്റിക് വകഭേദങ്ങൾ ഡ്രൈവർമാർക്ക് 2WD-യിൽ നിന്ന് 4WD-ലേക്ക് തടസ്സമില്ലാതെ മാറാൻ അനുവദിക്കുന്നു, ഇത് ഓഫ്-റോഡ് ശേഷി വർദ്ധിപ്പിക്കുന്നു. 210mm എന്ന ഉയർന്ന ഗ്രൗണ്ട് ക്ലിയറൻസും, ആവശ്യത്തിന് ഡിപ്പാർച്ചർ, അപ്രോച്ച് ആംഗിളുകളും (യഥാക്രമം 46-ഉം 36-ഉം ഡിഗ്രി) തടസ്സങ്ങളെ എളുപ്പത്തിൽ നേരിടാൻ സഹായിക്കുന്നു. മാരുതിയുടെ സ്മാർട്ട്പ്ലേ പ്രോ+ ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റമാണ് (ആൽഫയിൽ) ജിംനിയിൽ സജ്ജീകരിച്ചിരിക്കുന്നത് .
2025 സാമ്പത്തിക വർഷത്തിൽ മാരുതി സുസുക്കി 8,740 യൂണിറ്റ് ജിംനി ആഭ്യന്തരമായി വിറ്റഴിച്ചു, ഈ കാലയളവിൽ ഇന്ത്യയിൽ നിർമ്മിച്ച 47,982 യൂണിറ്റുകൾ കയറ്റുമതി ചെയ്തു. 2024 സാമ്പത്തിക വർഷം മുതൽ, ഇന്ത്യയിലും വിദേശത്തും ഒരു ലക്ഷത്തിലധികം മാരുതി ജിംനികൾ അയച്ചിട്ടുണ്ട്.
