തിരുവനന്തപുരം: നവരാത്രി ആഘോഷളുടെ ഭാഗമായി അധിക സർവീസ് പ്രഖ്യാപിച്ച് കെഎസ്ആർടിസി. ഈ മാസം 25 മുതൽ ഒക്ടോബർ 14 വരെയാണ് സർവീസുകൾ. മൈസൂർ, ചെന്നൈ, ബംഗളൂരു, നഗരങ്ങളിൽ നിന്നുമാണ് അധിക സര്‍വീസുകൾ ന‌ടത്തുന്നത്.
ഓണക്കാലത്ത് റെക്കോർഡ് വരുമാന വര്‍ധന നേടിയതിന്‍റെ തുടർച്ചയായാണ് നവരാത്രി സർവീസുകൾ. സെപ്റ്റംബർ എട്ടിനു ടിക്കറ്റ് വരുമാനത്തിലൂടെ 10.19 കോടി രൂപയും ടിക്കറ്റ് ഇതര വരുമാനമായി 82 ലക്ഷം രൂപയും ലഭിച്ചിരുന്നു. അധിക സർവീസുകളും മികച്ച സൗകര്യങ്ങളുമൊരുക്കി നേട്ടമുണ്ടാക്കിയ മാതൃകയാണ് നവരാത്രി അവധിക്കാലത്തും കെഎസ്ആർടിസി പിന്തുടരുന്നത്. സ്ലീപ്പർ, എസി, ദീർഘൂര സൂപ്പർഫാസ്റ്റ് ബസുകളിലൂടെ വരുമാന നേട്ടം കൊയ്യാനുള്ള ശ്രമിത്തിലാണ് കെഎസ്ആർടിസി.
