വ്യക്തിഗത വായ്പകൾ സാമ്പത്തിക പ്രശ്നങ്ങൾക്കുള്ള വേഗത്തിലുള്ള പരിഹാരമാണ്. എന്നാൽ, അവയിൽ മറഞ്ഞിരിക്കുന്ന ചില ചെലവുകളുണ്ട്. അപ്രതീക്ഷിത സാമ്പത്തിക പ്രശ്നങ്ങൾ ഒഴിവാക്കാനായി കടം എടുക്കുന്നവർ ഈ കെണികൾ തിരിച്ചറിയണം. വ്യക്തിഗത വായ്പകൾ എടുക്കാനായി
മുന്നോട്ട് പോകുന്നതിനുമുമ്പ്, നിബന്ധനകൾ, പലിശ നിരക്കുകൾ, തിരിച്ചടവ് കാലാവധികൾ എന്നിവയെക്കുറിച്ച് ശ്രദ്ധാപൂർവ്വം മനസിലാക്കണം.
വ്യക്തിഗത വായ്പകൾ പ്രതീക്ഷിച്ചതിലും കൂടുതൽ ഭാരം ഉണ്ടാക്കുന്ന അഞ്ച് സാധാരണ കെണികളെക്കുറിച്ചും അവയിൽ നിന്ന് എങ്ങനെ രക്ഷപ്പെടാമെന്നും നമുക്ക് നോക്കാം.
- മറഞ്ഞിരിക്കുന്ന ചാർജുകൾ
വ്യക്തിഗത വായ്പകളുടെ പ്രോസസിങ് ഫീസ് സാധാരണയായി മൊത്തം വായ്പ തുകയുടെ 0.5% മുതൽ 3% വരെയാണ്. ഈ തുക മുൻകൂട്ടിയോ അനുവദിച്ച തുകയിൽ നിന്നോ കുറയ്ക്കുന്നു. അത്തരം കിഴിവുകൾ വായ്പ ചെലവുകളിലേക്ക് കൂട്ടിച്ചേർക്കുന്നു. വൈകിയുള്ള പേയ്‌മെന്റ് ഫീസ്, പ്രീപേയ്‌മെന്റ് ചാർജുകൾ, ഫോർക്ലോഷർ ചാർജുകൾ, സ്റ്റാമ്പ് ഡ്യൂട്ടി എന്നിവയാണ് മൊത്തത്തിലുള്ള ലോണിന്റെ ചെലവ് വർദ്ധിപ്പിക്കുന്ന മറ്റ് ചില ചെലവുകൾ. ഈ മറഞ്ഞിരിക്കുന്ന ചാർജുകൾ മനസിലാക്കാതെ പോകുന്നത് കൂടുതൽ ചെലവേറിയ വായ്പയിലേക്ക് നയിക്കുന്നു.
- മാറുന്ന പലിശ നിരക്കുകൾ
വ്യക്തിഗത വായ്പാ പലിശ നിരക്കുകൾ നിലവിൽ വിവിധ ബാങ്കിങ് സ്ഥാപനങ്ങളിൽ ഏകദേശം 10.90% മുതൽ 24% വരെയാണ്. ഓരോ കേസിന്റെയും അടിസ്ഥാനത്തിൽ ബാധകമായ അന്തിമ പലിശ നിരക്ക് ക്രെഡിറ്റ് പ്രൊഫൈലുകളെ ആശ്രയിച്ചിരിക്കുന്നു; ചെറിയ നിരക്ക് വർധനവ് പോലും ഇഎംഐകൾ വർധിപ്പിക്കും. ഇത് പലപ്പോഴും വായ്പ എടുക്കുന്നവരെ കാലാവധി നീട്ടുന്നതിനെക്കുറിച്ച് ചിന്തിക്കാൻ പ്രേരിപ്പിക്കുന്നു, ഒടുവിൽ മൊത്തം പലിശ നിരക്ക് വർധിപ്പിക്കുന്നു.
- ഒന്നിലധികം വായ്പകൾ കടം വാങ്ങുന്നവരെ കടത്തിൽ കുടുക്കും
ഒരേ സമയം നിരവധി വ്യക്തിഗത വായ്പകൾ എടുക്കുകയോ തിരിച്ചടവ് ശേഷിക്ക് അപ്പുറത്തേക്ക് കടം വാങ്ങുകയോ ചെയ്യുന്നത് ഗുരുതരമായ പ്രത്യാഘാതങ്ങൾ ഉണ്ടാക്കും. ഇത് കടം വാങ്ങുന്നവരെ കടക്കെണിയിൽ വീഴാൻ ഇടയാക്കും. അത്തരം സന്ദർഭങ്ങളിൽ പലിശ കൂട്ടുകയും തിരിച്ചടവുകൾ മുടങ്ങുകയും ചെയ്യുന്നത് ക്രെഡിറ്റ് സ്കോറുകളെയും സാമ്പത്തിക സാഹചര്യം മോശമാക്കുകയും ചെയ്യും.
- ദീർഘകാല വായ്പാ കാലാവധി പലിശ ഭാരം വർധിപ്പിക്കുന്നു
പ്രതിമാസ ഇഎൺഐ തുക കുറയ്ക്കാമെന്ന് കരുതി വായ്പാ കാലാവധി വർധിപ്പിക്കുന്നത് പലിശ കൂടുതലായി അടയ്ക്കാൻ ഇടയാക്കും. കുറഞ്ഞ കാലാവധി എന്നാൽ ഉയർന്ന ഇഎംഐകൾ എന്നാണ് അർത്ഥമാക്കുന്നത്. ഇത് മൊത്തത്തിലുള്ള പലിശ നിരക്കുകളും ഗണ്യമായി കുറയ്ക്കുന്നു.
- തിരിച്ചടവ് തന്ത്രങ്ങൾ അവഗണിക്കുക
തെറ്റായ ആസൂത്രണം കാരണം നിരവധി വായ്പക്കാർക്ക് ഫലപ്രദമായ തിരിച്ചടവ് തന്ത്രങ്ങളും ഒപ്റ്റിമൈസേഷൻ തന്ത്രങ്ങളും നഷ്ടപ്പെടുന്നു. ഭാഗിക പേയ്‌മെന്റുകൾ നടത്തുക, കുറഞ്ഞ നിരക്കിൽ വായ്പകൾ റീഫിനാൻസ് ചെയ്യുക, അല്ലെങ്കിൽ ഉയർന്ന പലിശയുള്ള കടത്തിന് മുൻഗണന നൽകുക തുടങ്ങിയ തന്ത്രങ്ങൾ വായ്പകളുടെ ചെലവ് അനാവശ്യമായി വർധിപ്പിക്കുന്നു. വിവേകമുള്ള ഒരു കടം വാങ്ങുന്നയാൾ എന്ന നിലയിൽ, നിങ്ങൾ വായ്പകൾ ശരിയായി ആസൂത്രണം ചെയ്യുകയും ഫലപ്രദമായ തിരിച്ചടവ് തന്ത്രങ്ങൾ തിരഞ്ഞെടുക്കുകയും വേണം.
