പത്തനംതിട്ട: ക്ഷേത്രത്തില് ക്രിസ്ത്യന് പുരോഹിതന് പ്രവേശിച്ച സംഭവത്തില് ഹർജി തള്ളി ഹൈക്കോടതി. പുരോഹിതൻ ക്ഷേത്രത്തിൽ പ്രവേശിപ്പിച്ചത് ആചാര ലംഘനമല്ലെന്നും കോടതി വിധിപ്രസ്താവന നടത്തി. അതിഥികളെ ബഹുമാനിക്കുക എന്നത് ക്ഷേത്ര സംസ്കാരത്തിന്റെ ഭാഗമാണെന്നും 1965ലെ നിയമത്തില് അഹിന്ദുക്കള്ക്ക് ക്ഷേത്രപ്രവേശനം നിഷേധിക്കുന്നില്ലെന്നും കോടതി വ്യക്തമാക്കി.
ഓര്ത്തഡോക്സ് സഭ കടമ്പനാട് ഭദ്രാസനാധിപന് ഡോ. സഖറിയാസ് മാര് അപ്രേമാണ് അടൂർ പാര്ത്ഥസാരഥി ക്ഷേത്രത്തില് പ്രവേശിച്ചത്. തന്ത്രിയുടെ അനുമതിയോടെയുള്ള പ്രവേശനം ആചാര ലംഘനമല്ലെന്ന് കോടതി വ്യക്തമാക്കി. 2023 സെപ്റ്റംബര് 7-നായിരുന്നു ശോഭായാത്ര ഉദ്ഘാടനം ചെയ്യാന് സഖറിയാസ് മാര് അപ്രേം ക്ഷേത്രത്തില് എത്തിയത്. ക്ഷേത്രത്തിലെ അതിഥിയായാണ് സഖറിയാസ് മാര് അപ്രേം എത്തിയത്. അദ്ദേഹത്തിന്റെ ആഗ്രഹപ്രകാരമാണ് ക്ഷേത്രത്തിലേക്ക് പ്രവേശനം അനുവദിച്ചതെന്നും കോടതി നിരീക്ഷിച്ചു.
