തിരുവനന്തപുരം: സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ ഏഴു ജില്ലകളിൽ വോട്ടെടുപ്പ് ആരംഭിച്ചു. തിരുവനന്തപുരം മുതൽ എറണാകുളം വരെയുള്ള ജില്ലകളിലാണ് ആദ്യഘട്ട വോട്ടെടുപ്പ് നടക്കുന്നത്. മോക് പോളിങിനുശേഷം രാവിലെ ഏഴ് മണിക്ക് തന്നെ വോട്ടെടുപ്പ് ആരംഭിച്ചു. വൈകിട്ട് ആറു വരെയാണ് വോട്ടെടുപ്പ്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലായി 36,630 സ്ഥാനാര്ഥികളാണ് ഇന്ന് ജനവിധി തേടുന്നത്. ഈ ജില്ലകളിലെ 1.32 കോടിയലധികം വോട്ടര്മാര്ക്കായി 15432 പോളിങ് സ്റ്റേഷനുകളുണ്ട്. 595 തദ്ദേശ സ്ഥാപനങ്ങളിലെ 11,168 വാര്ഡുകളിലേയ്ക്കാണ് ആദ്യഘട്ടമായ ഇന്നത്തെ തെരഞ്ഞെടുപ്പ്.
